Nanded Accident Car Hit Bike

राज्यात अलीकडे अपघातांचं प्रमाण वाढल्याचं चित्र आहे. राज्यातील विविध जिल्ह्यांमध्ये दररोज अपघातांच्या घटना घडत आहेत. भरधाव वेगात वाहनं चालविल्यानं या घटना मोठ्या प्रमाणात घडत आहे. बुधवारी रात्री नांदेडमधून असाच एक भीषण अपघात समोर आलाय. (latest accident news)

दुचाकीला पाठीमागून येणाऱ्या भरधाव कारने जोरदार धडक दिली. या घटनेत स्कूटीवरून जाणाऱ्या दोन तरूणांचा मृत्यू झालाय. हा अपघात रात्री साडे अकराच्या दरम्यान अर्धापूर- नांदेड राष्ट्रीय महामार्गावरील श्रीसंत किसन बापू आश्रमाजवळ घडला आहे. या अपघातात (accident) नांदेड शहरातील किशन मोरे आणि हरिश गट्टाणी या तरुणांचा मृत्यू झालाय.

अशी घडली घटना

हे दोघेजण रात्री साडे अकरा वाजेच्या सुमारास आपल्या दुचाकीने पार्डीकडून अर्धापुरकडे येत होते. श्रीसंत किशनबापू आश्रमाजवळ येताच पाठीमागून भरधाव वेगात येणाऱ्या कारने त्यांच्या दुचाकीला जोराची धडक (Nanded News) दिली.

या अपघातात दुचाकीवरील दोघेजण गंभीर जखमी झाले. उपचारादरम्यान त्यांचा मृत्यू झालाय. अपघात एवढा भीषण होता की, कारच्या धडकेत स्कूटीचा चक्काचूर होवून तिने पेट घेतला. स्कूटी जळून खाक झाली होती.

अर्धापूर पोलिसांनी या प्रकरणी गुन्हा दाखल केलाय. या दोन तरूणांवर काळाने घाला घातल्यानं हळहळ व्यक्त केली जातेय. हे दोन्ही तरूण मंडप व्यावसायिक असल्याची माहिती मिळतेय. (accident news)