बुलढाणा - नितीन गडकरींनी काँग्रेसमध्ये यावं अशी ऑफर देणारे काँग्रेसचे (Congress) नाना पटोले (Nana Patole) हेच काही दिवसांनी भाजपात येतील पण आम्ही त्यांना घेणार नाही असा टोला भारतीय जनता पार्टीचे प्रदेश उपाध्यक्ष तथा माजी मंत्री संजय कुटे (Sanjay Kute) यांनी लगावला आहे. नितीन गडकरींसारख्या नेत्यावर बोलण्याची नाना पटोले यांची कुवतच नाही असेही त्यांनी यावेळी सांगितले. काल अकोला येथे काँग्रेसचे प्रदेशाध्यक्ष नाना पटोले यांनी नितीन गडकरींना दिलेल्या ऑफरबद्दल ते शेगावात पत्रकारांशी बोलत होते.

तर आगामी सगळ्या निवडणुका आम्ही एकत्रपणे लढू आणि त्यावर जिंकू असे जाहीर भाजपचे प्रदेश उपाध्यक्ष तथा माजी मंत्री संजय कुटे यांनी शेगावात जाहीर केले,यावेळी त्यांनी उद्धव ठाकरेंची शिवसेना ही शरद पवारांची शिवसेना आहे. तर शिंदे गटातील शिवसेना ही अस्सल बाळासाहेबांची शिवसेना असल्याची टीका देखील केली.

हे देखील पाहा -

बुलढाणा जिल्ह्यातील शेगाव येथे शिंदे गट शिवसेनेतील खासदार प्रतापराव जाधव, सर्व आमदार आणि भाजपचे सर्व आमदार यांची आगामी येणाऱ्या निवडणुकीसंदर्भात संयुक्त बैठक घेतली. व बैठकीनंतर आगामी निवडणुकीसाठी भाजप व शिंदे गट शिवसेना युती झाल्याचे भाजपचे प्रदेश उपाध्यक्ष तथा माजी मंत्री संजय कुटे यांनी जाहीर केले.

भाजपा आणि शिंदे गटाच्या बैठकीला खासदार भाजप जिल्हाध्यक्ष तथा आमदार आकाश फुंडकर, आमदार संजय गायकवाड, आमदार श्वेता महल्ले, आमदार संजय रायमुलकर यांच्या सहा जिल्ह्यातील सर्व माजी आमदार यांची उपस्थिती होती.