नागपूर : नागपूरमध्ये एक धक्कादायक प्रकार समोर आला आहे. सिव्हिल लाईन्स परिसरातल्या एका नामांकित कॅफेजवळ रात्री पार्क असलेल्या एका कारमध्ये एक जोडपं येऊन बसलं. त्यांनी माघारी जाण्यासाठी कार रिव्हर्स घेतली. नको ते घडलं, पाठीमागून एक पोलीस शिपाई दुचाकीवर जात होता. कार रिव्हर्स घेताना पोलीस कर्मचाऱ्याला मागून धडकली आणि तो कर्मचारी दुचाकीसह खाली पडला.

पोलीस कर्मचाऱ्याला राग आला आणि त्याने रागात कारमध्ये बसलेल्या जोडप्यांना शिव्या देत बाहेर येण्यास सांगितलं. मात्र, ते जोडपं भीतीपोटी बाहेर काही नव्हतं. हे पाहून पोलीस शिपायाला अजून जास्त राग आला. रागाच्या भरात पोलीस शिपायाने तिथेच असलेला एक मोठा दगड उचलत कारच्या काचा फोडल्या. मात्र, कार चालक न थांबता कार घेऊन वेगाने निघून गेला. गाडीला नंबर प्लेट नसल्याने तो कार चालक नेमका कोण होता? कोण हे कळलेलं नाही. दरम्यान, त्या ठिकाणी रस्त्याच्या पलीकडे असलेल्या काही नागरिकांनी हा व्हिडिओ शूट केला आहे. हा व्हिडीओ सध्या समाजमाध्यमांवर चांगलाच व्हायरल होत आहे.