Nagpur News : नागपुरातून नायलॉन मांजामुळे अनेक दुर्दैवी घटना समोर आल्या आहेत. नागपुरात नॉयलॉन मांजामुळे दोघांचे बळी, तर ५० पेक्षा अधिक जखमी झाल्याची घटना घडल्या आहेत. नॉयलॉन मांजामुळे घडणाऱ्या दुर्घटनेमुळे नागरिकांच्या चिंतेत भर पडली आहे. (Latest Marathi News)

नागपुरात (Nagpur) नॉयलॉन मांजामुळे दोघांचे बळी गेले आहेत. तर मांजामुळे ५० हून अधिक जण जखमी झाले आहेत. तर नागपुरात वडिलासोबत दुचाकीने जाणाऱ्या १० वर्षीय मुलाचा गळा कापल्याची देखील घटना घडली.

वेद क्रिष्णा शाहू या दहा वर्षीय मुलाचा नॉयलॅान मांजामुळे (Nylon Manja) मृत्यू झाला आहे. बाजारात जाताना मांजा वेदच्या गळ्याला गुंडाळला दुचाकी वेगात असल्यामुळे वेदचा गळा चिरला. वेदला मानकापुरातील खासगी रुग्णालयात दाखल केले. मात्र उपचारादरम्यान त्याचा मृत्यू झाला. वेदच्या मृत्यूने त्याच्या कुटुंबावर दु:खाचा डोंगर कोसळला आहे. तर वेद राहत असलेल्या परिसरात शोककळा पसरली आहे.

तर १३ जानेवारीला धंतोलीत ध्रूव ऊर्फ वंश प्रवीण धुर्वे या मुलाचा पतंगाच्या मागे धावल्याने रेल्वेच्या धडकेत झाल्याची देखील घटना घडली होती. त्यामुळे मांजा आणि पंतगबाजी बळी जाऊ लागल्याने नागरिकांच्या चितेंत भर पडली आहे.

मुंबईत पतंगबाजीमुळे ६४ पक्षी जखमी

मुंबईमध्ये रविवारी मकर संक्रांतीच्या निमित्ताने पतंगबाजी पाहायला मिळाली. मात्र, याचा फटका पक्षांना बसला आहे. पतंगबाजीमुळे जवळपास ६४ पक्षी जखमी झाले आहेत. यामध्ये सर्वाधिक संख्या ही कबुतरांची आहे

पतंगाच्या मांज्यामुळे जखमी झालेल्या ५७ कबुतरांवर उपचार करून त्यांना कबुतरखान्यात सोडण्यात आले. तर जखमींपैकी सात पक्षी गंभीर जखमी झाले असून यामध्ये दोन घारी, दोन कोकिळा, दोन कबुतरे आणि एक घुबडीचा समावेश आहे.