नागपूर : ड्रोनच्या क्षेत्रात मोठ्या प्रमाणात प्रगती होत आहे. त्यामुळे तो दिवस दुर नाही की चार जण ड्रोनमध्ये बसून विमानतळावर जातील; असे मत केंद्रीय मंत्री नितीन गडकरी (Nitin Gadkari) बोलताना मांडले. (Live Marathi News)

नागपूरात फॉरचून फाउंडेशनच्या युथ एम्पॉवरमेंट समिटच्या समारोपीय कार्यक्रमात बोलत होते. आज शेतीचे फवारणी असो, पहाडावरून 200 किलोचा ड्रोनच्या साह्यानं सफरचंद खाली आणणे असो; यासारखी अनेक कामं ड्रोनमुळे कमी पैशात होत आहे. त्यामुळे भविष्यात ड्रोनचा क्षेत्रात प्रगती होऊन चार माणसं बसून काही अंतरावर सहज जाऊ शकतील, असं केंद्रीय मंत्री नितीन गडकरी म्हणालेत.

मिहानमध्ये १ लाख लोकांना रोजगार

नागपूरात मिहानमध्ये ३१ मार्चला इन्फोसिसच उद्‌घाटन करणार असून त्यातून ५ हजार जणांना रोजगार मिळणार आहे. मिहानच्या माध्यमातून ८७ हजार जणांना रोजगार मिळाला असून पुढील निवडणुकीला समोर जाण्यापुर्वी १ लाख लोकांना मिहानमध्ये रोजगार मिळेल; असा संकल्प असल्याचा केंद्रीय मंत्री गडकरी यावेळी बोलतांना म्हणालेत.