नागपूर : नागपूरात बेरोजगार तरुणांची नोकरी किंवा रोजगाराच्या नावावर फसवणूकीचे अनेक प्रकार पुढे आले आहेत. नोकरी किंवा पार्टटाईन जॅाबच्या नावाखाली (Cyber Crime) सायबर गुन्हेगारांकडून (Nagpur News) नागपूरसह विदर्भातील अनेक तरुणांची फसवणुक झाली आहे. (Tajya Batmya)

बेरोजगार तरुण नोकरीच्या शोधात ॲानलाईन अर्ज करतात किंवा संबंधीत ॲप डाऊनलोड करतात. यातूनच सायबर गुन्हेगारांकडे नंबर जातोय. त्या नंबरवरुन बेरोजगार तरुणांना फोन येतो. हे सायबार गुन्हेगार ॲानलाईन पार्टटाईम जॅाब करण्यास सांगतात. सुरुवातीला मोबदला दिला जातोय. नंतर मात्र बेरोजगार तरुणांकडून पैसे घेऊन त्यांची फसवणुक केली जाते. नागपूरसह विदर्भातील अनेक तरुणांची फसवणुक झाली आहे.

टोळ्या सक्रीय

नोकरीच्या शोधात असलेल्या बेरोजगार तरुणांना फसवणुकीचे हे प्रकार वाढले आहेत. अशा प्रकारे बेरोजगार तरुणांची फसवणुक करणाऱ्या अनेक टोळ्या सध्या सक्रिय आहे. त्यामुळे सावध राहण्याचे आवाहन नागपूर सायबर पोलीसांनी केले आहे.