- अमर घाटारे

अमरावती : अमरावती (amravati) शहरात दंगल झाल्याची अफवा (rumour) पसरविल्याने पाेलीसांनी (police) एकास ताब्यात (arrest) घेतले आहे. सणा सुदीच्या काळात नागरिकांनी काेणत्याही अफवेवर विश्वास ठेवू नये असे आवाहन पाेलीसांनी केले आहे. (amravati latest marathi news)

अमरावती शहर पोलिसांच्या आपत्कालीन क्रमांकावर एक फोन आला हाेता. अमरावतीच्या ट्रांन्सपोर्ट नगर येथे ४०० ते ५०० लोक हातात हत्यार घेऊन दंगल घडवण्याच्या तयारीत असल्याचे फाेन करणा-याने पोलिसांना सांगितले. पाेलीसांनी तात्काळ या प्रकाराची माहिती घेण्यास प्रारंभ केला.

शहनिशा केल्यानंतर दंगलीबाबतची खोटी माहिती सांगितल्याने फोन करणाऱ्या एका युवकाला नागपूर गेट पोलिसांनी ताब्यात घेतले आहे. नागरिकांनी अफवांवर विश्वास ठेवू नये असे आवाहन पोलिसांनी केले आहे.

Edited By : Siddharth Latkar