Nagpur Crime News: नागपूर शहरात गुन्हेगारी घटना दिवसेंदिवस वाढताना दिसत आहेत. २ दिवसांपूर्वी शहरात दोन भीषण खूनाच्या घटना समोर आल्या होत्या. या हत्येच्या घटना ताज्या असतानाच शहरात किराणा दुकानात गोळीबार केल्याचा धक्कादायक प्रकार समोर आला आहे. (Crime News In Marathi)

याबाबत अधिक माहिती अशी की, नागपुरात (Nagpur) भर दिवसा किराणा दुकानदारावर फायरिंग करण्यात आल्याचा धक्कादायक प्रकार समोर आला आहे. कळमना पोलिस स्टेशनच्या हद्दीत घडलेल्या या घटनेने एकच खळबळ उडाली आहे.

'किराणा दुकान चालवायचे असेल तर एक लाख रुपये खंडणी द्यावी लागेल' अशी धमकी देत आरोपी सन्नी शाहूकडून गोळीबार करण्यात आला. दुकानदार राकेश हेमचंद शाहू यांना आरोपी सन्नी शाहू याने काही दिवसांपूर्वी खंडणीची मागणी करत जीवे मारण्याची धमकी दिली होती. या विरोधात राकेश शाहू यांनी पोलिसांत तक्रार दाखल केली होती. याचाच राग मनात ठेवून आरोपीने हा गोळीबार केला.

दरम्यान, या गोळीबाराच्या घटनेत आरोपीचा नेम चिकल्याने राकेश शाहू थोडण्यात वाचले आहेत. या घटनेची माहिती मिळताच पोलिसांनी घटनास्थळी धाव घेतली. तसेच आरोपी सन्नी शाहूला अटक केली आहे. शहरात वाढत्या गुन्हेगारी घटनांमुळे नागरिकांमध्ये भितीचे वातावरण पसरले आहे. (Latest Marathi News)