नागपूर: राज्याबरोबरच नागपूरमध्येही कोरोनाची रुग्णसंख्या वाढत आहे. आज नागपूर नवीन माहिती समोर आली आहे. नागपुरात ओमिक्रॉन तीन नवीन म्युटेशन आढळून आले आहेत. कोरोना विषाणूचं सातत्याने म्युटेशन होताना दिसत आहे. नागपूरच्या (Nagpur) 'निरी' मध्ये जिनोम सिक्वेन्सिंग सुरु आहे. चौथ्या टप्प्यात 89 जिनोम सिक्वेन्सिंग केल्यानंतर तीन म्युटेशन आढळून आले आहेत. यात बी 1.1. 529, बी 1 आणि बी 2 चा समावेश आहे. 89 नमुन्यांच्या जिनोम सिक्वेन्सिंग पैकी 62.2 टक्के नामुन्यांमध्ये ओमिक्रॉनचा (Omicron) बी 2, 31.5 टक्के नमुन्यांमध्ये बी 1.1. 529 तर 2.3 टक्क्यांमध्ये बी 1 हा प्रकार आढळून आला आहे.

आयसीयू मध्ये दाखल असलेल्या सहा रुग्णांच्या नामुन्यांमध्ये पाच रुग्णात बी 1.1. 529 तर एका रुग्णात बी 2 प्रकारचे म्युटेशन आढळले आहे. विषाणूतील हा बदल कशा प्रकारे प्रभाव टाकेल याबाबत निरीचे वैज्ञानिकांची तपासणी सुरू आहे. दरम्यान दुसऱ्या लाटेदरम्यान नागपूरमध्ये रुग्णसंख्येने कळस गाठला होता. राज्यात सध्या कोरोनाची तिसरी लाट सुरु आहे. कोरोनाचे रुग्ण झपाट्याने वाढत आहेत. नागपूरमध्येही कोरोनाला रोखण्यासाठी निर्बंध लावले आहेत.

Edited By: Pravin Dhamale