नागपूर: नागपूरसह पूर्व विदर्भातील नागरीकांसाठी आनंदाची बातमी आहे. पूर्व विदर्भातील नागपूर, वर्धा, चंद्रपूर, गडचिरोली, गोंदिया आणि भंडारा या जिल्ह्यांमध्ये वेगानं कोरोनाची तिसरी लाट ओसरतेय. तिसरी लाट पिकवर असताना नागपूर जिल्ह्यात 44.84 पॅाझिटीव्हीटी रेट होता. सध्या नागपूर जिल्ह्यातील पॅाझिटीव्हीटी रेट 21 टक्क्यांच्या खाली आलाय.

नागपूरप्रमाणे (Nagpur) भंडारा (Bhandara) जिल्ह्यात पिकवर असताना 30 टक्के पॅाझिटीव्हीटी रेट होता. आता 11 टक्क्यांवर आलाय. चंद्रपूर (Chandrapur) जिल्ह्यात 35 टक्क्यांवरचा पॅाझिटीव्हीटी रेट 11 टक्क्यांवर आलाय. आरोग्य उपसंचालकांनी ही माहिती दिलीये.

त्यामुळे ही नक्कीच आनंदाची बातमी आहे. मात्र, तरीही ही कोरोनाची (Corona) लाट पूर्णपणे संपलेली नाही. त्यामुळे नागरिकांनी निष्काळजीपणा करु नये, कोव्हिड नियमांचं (COVID Restrictions) पालन करावं, लसीकरण करुन घ्यावं असं आवाहनही आरोग्य उपसंचालकांनी केलंय.

Edited By - Nupur Uppal