फय्याज शेख 
मुरबाड : बारवी धरण प्रकल्पग्रस्तांच्या विविध प्रलंबित मागण्यांसाठी आज प्रकल्पग्रस्त शेतकऱ्यांचा मुरबाड ते ठाणे मोर्चा निघाला आहे. प्रकल्पग्रस्त (Farmer) शेतकऱ्यांच्या मागण्या मान्य होईपर्यंत हा मोर्चा वरीष्ठ पोलिस परिमंडळ अधिकारी कार्यालय ठाणे (Thane) येथे धरणा देणार आहेत. (Latest Marathi News)

कल्याण (Kalyan), डोंबिवली, मीरा-भाईंदर, नवी मुंबई, उल्हासनगर, अंबरनाथ (Ambarnath) आणि औद्योगिक विकास महामंडळाच्या पाण्याची गरज भागविण्यासाठी बारवी धरणाची निर्मिती करण्यात आली. यानंतर पाणीपुरवठा कमी होऊ नये; म्हणून पुन्हा बारवी धरणाच्या (Barvi Dam) तिसरा टप्प्यात उंची वाढवण्यात आली. तिसरा टप्पा वाढवताना भूसंपादन केलेल्या जमिनी व्यतिरिक्त आणखीन सहा गाव व पाड्यांसह शेत जमिनीवर बारवी धरणाच्या पाणलोट क्षेत्रात बुडाल्या. यानंतर अनेक आंदोलन झाली. काही गावपाड्यांच्या लोकांचे पुनर्वसन झाले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मात्र बारावी धरणाची उंची वाढविल्यानंतर जी शेत जमीन भूसंपादीत झाली नाही. अशा मुरबाड तालुक्यातील काचकोली, तोंडली, कोले मोहगर, मानिवली अशी सहा गावे आणि पाच पाड्यांचा अद्यापही या प्रकल्पग्रस्तांचा विषय प्रलंबितच राहिला आहे. यामुळे आज ह्या गावपाड्यातील प्रकल्पग्रस्त शेतकऱ्यांनी मुरबाड ते ठाणे असा मोर्चा काढला आहे.