औरंगाबाद : औरंगाबाद (Aurangabad) महापालिकेतील एका क्लार्कने लाच म्हणून चक्क विदेशी दारू आणि पाच हजार रुपयांची मागणी केली होती. मात्र, याची माहिती लाचलुचपत प्रतिबंधक विभागाला (Bribery Prevention Department) मिळाल्यानंतर त्या क्लार्कला उच्च प्रतीच्या दारुसोबत साडे तीन हजाराची लाच घेताना अटक केली आहे.

हे देखील पहा -

प्रभू लक्ष्मण चव्हाण असं त्या क्लार्कचं नाव असून तो औरंगाबाद महानगरपालिकेत ज्युनियर क्लार्क म्हणून काम करतो. औरंगाबाद महानगरपालिकेकडून (Aurangabad Municipal Corporation) मार्च एन्डमुळे शहरात मालमत्ता कर वसुलीची मोहीम हाती घेण्यात आली होती. त्यात एका मालमत्ता धारकाचा मालमत्ता कर कमी करण्यासाठी विदेशी दारुसोबतच पाच हजाराची लाच मागितली. मालमत्ताधारकांनी याची माहिती लाचलुचपत प्रतिबंधक विभागाला कळवली. त्यानंतर सापळा रचून विदेशी दारू आणि साडेतीन हजार रुपये घेताना क्लार्कला रंगेहात पकडण्यात आलं.

Edited By - Jagdish Patil