सचिन कदम, प्रतिनिधी...

Mumbai -Pune Express Way Accident: गेल्या काही दिवसांपासून राज्यातील रस्ते अपघातांमध्ये मोठी वाढ झाल्याचे दिसत आहे. ज्यामुळे वाहन चालवताना नियमांचे पालन करण्याचे आवाहन प्रशासनाकडून दिले जात आहे. नुकताच मुंबई- पुणे महामार्गावर सात गाड्यांचा भीषण अपघात झाल्याची माहिती समोर आली आहे. (Latest Marathi News)

याबाबत समोर आलेल्या माहितीनुसार, मुंबई-पुणे (Mumbai- Pune) एक्सप्रेस वेवर सात वाहने एकमेकांवर आदळून भीषण अपघात झाल्याची घटना समोर आली आहे. महामार्गावरील खोपोली एक्झिटजवळ हा अपघात झाला आहे. ज्यामध्ये एक ट्रक, स्विफ्ट, इर्टिगा अशी सात वाहने एकमेकांवर आदळली आहेत.

या अपघाताची माहिती मिळताच मदत कार्याला सुरूवात केली असून अपघातात ४ ज जखमी झाल्याचे समोर आले आहे. तसेच या अपघातात गाड्यांचे मोठे नुकसान झाले आहे.

शतपावली करताना काळाचा घाला....

दरम्यान, काल रात्री नाशिकमध्येही (Nashik) अशीच भीषण अपघाताची बातमी समोर आली होती. ज्यामध्ये रात्री शतपावली करण्यासाठी गेलेल्या महिलेला भरधाव दुचाकीने धडक दिली. या अपघातात महिलेचा जागीच मृत्यू झाला असून एक सहा वर्षीय मुलगा गंभीर जखमी झाला आहे. (Accident News)