मुंबई : गोवा येथे राहणाऱ्या तरुणीचा मुंबई येथे येत असताना प्रवासादरम्यान खाजगी बसमध्येच आकस्मित मृत्यू (Death) झाल्याची घटना समोर आली. तमिना आलेम असे 22 वर्षीय मृत तरुणीचे नाव आहे. (Breaking Marathi News)

तमिना ही आपला मित्र सचिन किट्टू याच्यासोबत मुंबईला येत होती. तीन दिवसांपूर्वी सदर तरुणीचा गोवा (Goa) येथे स्कुटी शिकत असताना अपघात (Accident) झाला होता. या अपघातात तिला खांद्यावरती जखम झाली होती. पुढील उपचारासाठी सदर तरुणीला तिच्या आईने मुंबईला बोलावले होते. यासाठी ती गोव्यावरून मुंबईला येत होती.

तरुणीची हालचाल बंद झाल्‍याने आली शंका

बस नेरुळ येथे आल्यावर तरुणी हालचाल करत नसल्याचे लक्षात आले. यानंतर तरुणीला नेरूळमधील डी. वाय. पाटील रुग्णालयात दाखल करण्यात आले. यावेळी तरुणी मृत असल्याचे डॉक्टरांनी घोषित केले. याप्रकरणी नेरूळ पोलीस ठाण्यात आकस्मित मृत्यूची नोंद करण्यात आली आहे. मात्र प्रवासादरम्यान अचानक मृत्यू कसा झाला? याचा अधिक तपास नेरुळ पोलीस करत आहेत.