चंद्रपूर : चंद्रपूर जिल्ह्यातील राजुरा एसटी आगारातल्या (msrtc) कर्मचाऱ्याने बल्लारपुरातील राहते घरी आत्महत्या केल्याची घटना समाेर आली आहे. यातील धक्कादायक बाब म्हणजे आगारातील महिला अधिकाऱ्याच्या त्रासाला कंटाळून त्याने ही आत्महत्या केल्याचे आढळलेल्या चिठ्ठीत नमूद असल्याचे पाेलिसांनी सांगितलं. (Chandrapur Latest Marathi News)

पाेलिसांनी दिलेल्या माहितीनूसार भगवान यादव असे मृत एसटी कर्मचा-याचे नाव आहे. आगारातील एक महिला वरिष्ठ अधिकारी व तिचा एक कनिष्ठ सहकारी असे दाेघांनी यादव यास दहा हजार रुपये महिना मागत असल्याचे त्याने चिठ्ठीत नमूद केले आहे.

दरम्यान घरी सापडलेल्या सुईसाईड नोटनूसार बल्लारपूर पोलीस ठाण्यात गुन्हा दाखल करण्यात आला आहे. या प्रकरणातील दाेषींवर कठोर कारवाई व्हावी अशी मागणी यादव कुटुंबियांनी केली आहे.

Edited By : Siddharth Latkar