हा व्हिडीओ आहे जरांगेंच्या आंदोलन स्थळावरचा.. कारण गळ्यात भगवं उपरणं घालून आंदोलन बदनाम करण्यासाठीच या तरुणाने घुसखोरी केल्याचा आरोप आंदोलकांनी केलाय...

मात्र या आरोपाची सुरुवात झाली ती आंदोलकांनी मुंबईला वेठीस धरुन सार्वजनिक मालमत्तेचं नुकसान केल्याचा आरोप असलेल्या याचिकेमुळे.... तर याच याचिकेनंतर हायकोर्टाने 24 तासात रस्ते मोकळे करण्याचे आदेश दिले होते...तर मनोज जरांगेंनी ही हुल्लडबाजी करणारे आंदोलक नसून सरकार पुरस्कृत घुसखोर आंदोलनाची बदनामी करत असल्याचा आरोप केला...

एवढंच नाही तर त्यानंतर कोर्टानेही थेट आझाद मैदान खाली करण्याचे आदेश दिले...मात्र एकीकडे कोर्टात सुनावणी सुरु असतानाच आझाद मैदान परिसरात मध्य प्रदेशातील तरुण आढळला.. मात्र मी माझ्या वडीलांना भेटायला आल्याचा दावा मध्य प्रदेशातील तरुणाने केलाय..

आंदोलनाच्या बदनामीसाठीच हुल्लडबाजी करणारे घुसल्याचा आरोप करण्यात येत होता.. दरम्यान आंदोलनात भगवं उपरणं घालून मध्य प्रदेशचा तरुण शिरल्याचं दिसून आलं.. त्याला पोलीसांच्या ताब्यात देण्यात आलं.. मात्र हा तरुण आंदोलनात अराजकता पसरवण्यासाठी शिरला होता का? याची चौकशी करुन सत्य बाहेर यायला हवं...