भंडारा जिल्ह्यातून एक चकित करणारी घटना समोर आली आहे. एका उंदराने घरात धुमाकूळ घातल्याने आग लागलीये. एक उंदिर दिव्याची जळती वात घेऊन पळून गेल्याने घराला आग लागली आहे. या उंदराने केलेल्या करामतीची सध्या गावभर चर्चा सुरू आहे. (साम टीव्ही'चं व्हॉट्सअॅप चॅनल जॉईन करण्यासाठी येथे क्लिक करा)
मिळालेल्या अधिक माहितीनुसार, लाखांदूर तालुक्यांतर्गत येत असलेल्या बारव्हामधील एका घरातील माजघरात देवासमोर पूजा करुन दिवा लावण्यात आला होता. याच दिव्याची वात उंदराने पळविली अन् घराला आग लागून साहित्यांचे नुकसान झाले. ही घटना लाखांदूर येथील वार्ड क्र.३ मधील बुधेश्वर रघुनाथ रासेकर यांच्या घरी घडलीये.
बुधेश्वर रासेकर यांनी सकाळी देवासमोर पूजा-पाठ करुन दिवा पेटवून कामानिमित्त घराबाहेर गेले. तेव्हा घरी आई, पत्नी, दोन मुले होती. आई सुमित्रा घराबाहेर असतांना तिला घरातून धूर येत असल्याचे दिसले. घरात गेली तेव्हा घराला आग लागल्याचे दिसून येताच तिने आरडाओरड केला. आरडाओरडा करताच शेजाऱ्यांनी घटनास्थळी धाव घेवून आग विझविली.
आगीत मात्र घरातील जिवनावश्यक वस्तू जळून खाक झाल्या. घटनेची माहिती महसूल विभागाला मिळताच तहसीलदार वैभव पवार यांचे मार्गदर्शनात तलाठी आशिष खामनकर व त्यांचे सहकारी खुशाल दिघोरे यांनी घटनास्थळी जाऊन नुकसानीचा पंचनामा केला. या घटनेत बुधेश्वर रासेकर यांचे जवळपास ५० हजार रुपयांचे नुकसान झाले. शासनाने नुकसानग्रस्त कुटुंबाला आर्थिक मदत द्यावी, अशी मागणी केली जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.