बुलढाणा ः बुलढाणा जिल्ह्यातील चिखली येथे लोकसहभागातून ऑक्सिजन प्लँटची निर्मिती केली आहे. त्याचा लोकार्पण सोहळा काँग्रेसचे महासचिव मुकुल वासनिक यांच्या हस्ते संपन्न झाला. यावेळी वासनिक यांनी कोविड काळातील सरकारच्या कार्यपद्धतीवर सडकून व आक्रमक टीका केली.

राजीव गांधी प्राणवायू प्रकल्पाचे लोकार्पण वासनिक यांच्या हस्ते करण्यात आले. या प्रकल्पामुळे कोविडच्या रूग्णांना प्राणवायू मिळणार आहे. स्वातंत्र्य दिनाच्या सायंकाळी वासनिक यांनी माध्यमांशी संवाद साधला. त्यावेळी ते चिखली येथे बोलत होते. Modi government criticizes Congress leader Mukul Wasnik

शासनात ज्या लोकांनी भारतीय घटनेला साक्षी ठेऊन शपथ घेतली आहे. आज त्याच लोकांपासून भारतीय घटनेला आव्हान आहे, हे स्वातंत्र्य दिनी समजून घेतलं पाहिजे. याच लोकांपासून भारताच्या संसदेला, न्याय व्यवस्थेला व लोकशाही व्यवस्थेला धोका आहे.

या देशात ऑक्सिजनअभावी एकही मृत्यू नाही तर मग आर्मी, नेव्ही, रेल्वे कशासाठी कामाला लावली होती, असा सवालही वासनिक यांनी केला. जगात 21 कोटी 77 लाख 26 हजार 483 लोकांना कोव्हिडची बाधा झाली होती. 43 लाख 83 हजार 81 लोक मृत्युमुखी पडले, हा अधिकृत आकडा किती खरा, किती खोटा हे कुणीही सांगू शकत नाही, असा दावाही त्यांनी केला.Modi government criticizes Congress leader Mukul Wasnik

आपल्या देशात 3 कोटी 22 लाख नागरिकांना कोव्हिड झाला तर 04 लाख 31 हजार नागरिकांचा मृत्यू झाला. हा आकडा संशयास्पद आहे. गर्दीत, गंगेत किती प्रेत सोडली, गंगाकिनारी किती गाडली, याची आकडेवारी सरकारकडे नाही. ही भयानक परिस्थिती आहे, असा आरोपही वासनिक यांनी केला.