पंढरपूर : उजनी धरणातून (ujani dam) इंदापूर (indapur) तालुक्यातील लाकडी निंबोडी उपसा सिंचन योजनेला पाणी देण्यास सोलापूर (solapur) जिल्ह्यातील शेतकऱ्यांनी विरोध केला आहे. दरम्यान इंदापूरला पाणी देऊ नये या शेतक-यांच्या भुमिकेस मनसेने (mns) पाठींबा देत आज (रविवार) पालकमंत्री दत्तात्रय भरणे यांच्या विरोधात घोषणाबाजी केली. (mns latest marathi news)

उजनी धरणातून इंदापूर तालुक्यातील लाकडी निंबोडी उपसा सिंचन योजनेला पाणी देण्याचा जीआर काढण्यात आला आहे. या निर्णायवर सोलापूर जिल्ह्यातील शेतकरी नाराज झाले आहेत. त्यातूनच शेतकऱ्यांनी पाणी देण्यास नकार दिला आहे.

मनसेचे जिल्हाध्यक्ष प्रशांत गिड्डे यांच्या नेतृत्वाखाली मोडनिंब येथे शेतक-यांनी आंदोलन छेडले. यावेळी उपसा सिंचन योजनेच्या मंजुरीच्या जीआरची होळी करण्यात आली. यावेळी आंदाेलकांनी पालकमंत्री दत्तात्रय भरणे यांच्या विरोधात घोषणाबाजी केली.

Edited By : Siddharth Latkar