हर्षदा सोनोने

Akola News:

अकोल्यामधून एक मोठं वृत्त हाती आलं आहे. अजित पवार गटाच्या कार्यकर्ता मेळाव्यात मंत्री दिलीप वळसे पाटील यांच्यासमोरच राडा झाल्याची घटना समोर आली आहे. दिलीप वळसे पाटील यांच्यासमोरच शिवा मोहोड यांच्या नियुक्तीला अमोल मिटकरी यांनी केला विरोध केल्याची घटना घडली आहे. अकोल्यातील अजित पवार गटाच्या कार्यकर्ता आणि पदाधिकारी मेळाव्यात हा प्रकार घडला आहे. (Latest Marathi News)

गेल्या वर्षभरापूर्वी अमोल मिटकरी आणि शिवा मोहोड यांनी एकमेकांवर केले होते. दोघांमधील वाद कायम असताना अजित पवार गटाच्या मेळाव्यात शिवा मोहोड यांची अकोला जिल्हा उपाध्यक्षपदी निवड करण्यात आली.

दिलीप वळसे पाटील यांनी मिटकरी यांच्या उपस्थितीत ही घोषणा केली. त्यानंतर या नियुकीचा मिटकरी यांनी स्टेजवरच विरोध केला. त्याचबरोबर आमदारकीचा राजीनामा देणार असल्याची धमकी त्यांनी स्टेजवर दिली.

तत्पूर्वी, शिवा मोहोड यांनी अजित पवारांच्या उपस्थितीत पक्षात प्रवेश केला. त्यानंतर त्यांची अकोला जिल्हा उपाध्यक्षपदी निवड करण्यात आली. यामुळे मिटकरी संतापले. त्यांनी मोहोड यांच्या निवडीचा निषेध केला.

मिटकरी आणि मोहोड यांचा वाद काय?

गेल्या वर्षी मोहोड यांनी मिटकरी कामासाठी कमिशन घेत असल्याचा आरोप केला होता. मोहोड यांनी यासहित इतरही गंभीर आरोप केले होते. मिटकरी आणि मोहोड यांच्यातील वाद चर्चेत होता. त्यावेळी मिटकरी आणि मोहोड यांच्यात बिनसल्यानंतर पक्षातील नेत्यांनी वाद सोडविण्यासाठी प्रयत्न केले होते.