अभिजीत देशमुख

Kalyan Politics: 'काही लोक देव पाण्यात बुडवून बसले आहेत. निर्णय वेगाने घ्या की हळू हळू घ्या. आमचे निलंबन होणार नाही. आम्ही सर्व बाबी कायद्याच्या चौकटीत राहून केल्या आहेत. सर्वोच्च न्यायालयावर आम्हाला पूर्ण विश्वास आहे. त्यामुळे कसलीही भीती नाही, अशी प्रतिक्रिया शिंदे गटाचे आमदार विश्वनाथ भोईर यांनी दिली. (Latest Marathi News)

ठाकरे गटाचे आमदार सूनिल प्रभू सर्वोच्च न्यायालयात लवकर सुनावणीसाठी याचिका दाखल केली आहे. त्याबाबत आमदार भोईर यांनी प्रतिक्रिया दिली आहे.

शिंदे फडणवीस सरकारामध्ये अजित पवार सहभागी झाल्यानंतर शिंदे गटात अस्वस्थता पसरली आहे. शिवसेनेचे काही आमदार नाराज असल्याची चर्चा आहे. हे सर्व सुरु असताना ठाकरे गटाचे आमदार सूनिल प्रभू यांनी सर्वोच्च न्यायालयात याचिका दाखल केली आहे.

दरम्यान, १६ आमदारांच्या आपत्रतेसंदर्भात निर्णयासाठी विलंब केला जात आहे. त्यासाठी न्यायालायने दखल घ्यावी. या प्रकरणी सर्वोच्च न्यायालयाने विधानसभा अध्यक्ष राहूल नार्वेकर यांना नोटीस बजावली आहे. त्यांनी या प्रकरणी १४ दिवसात उत्तर द्यायचे आहे. त्यानंतर १६ आमदारांचे काय होणार ही चर्चा राजकारणात सूरु झाली आहे.

सर्वोच्च न्यायालयावर आम्हाला पूर्ण विश्वास - भोईर

'आमदारांच्या निलंबनाबाबत त्या प्रक्रियेला वेग येणार अशा बातम्या प्रसार माध्यमावर सुरु आहेत. खरं तर हे बऱ्याच दिवसापासून सुरु आहेत. काही लोक देव पाण्यात बुडवून बसले आहेत. निर्णय वेगाने घ्या की हळू हळू घ्या. आमचे निलंबन होणार नाही. आम्ही सर्व बाबी कायद्याच्या चौकटीत राहून केल्या आहे. सर्वोच्च न्यायालयावर आम्हाला पूर्ण विश्वास आहे. त्यामुळे कसलीही भीती नाही, असा टोला ठाकरे गटाला लगावला आहे.