गुवाहाटीच्या राजकीय स्फोटाची बत्ती खऱ्या अर्थानं बार्शीतच पेटली असा गाैप्यस्फाेट भारतीय जनता पक्षाचे आमदार भाजपचे साेलापूर जिल्हाध्यक्ष सचिन कल्याणशेट्टी यांनी केला आहे. यामुळे साेलापूर जिल्ह्यातील राजकीय क्षेत्रात चर्चांना ऊत आला आहे. (sachin kalyanshetti latest marathi news)

आमदार सचिन कल्याणशेट्टी म्हणाले कोरोनाकाळात देवेंद्र फडणवीस बार्शीत (barshi) आले होते. तेव्हा त्यांना आमदार राजेंद्र राऊत यांनी भगवंत मंदिरात घेऊन गेले. राज्यातील सरकार पडून भाजपची सत्ता यावी असे साकडे घातले. वर्षभरात सत्ता पडली. त्यामुळे गुवाहाटीच्या राजकीय स्फोटाची बत्ती बार्शीतच पेटली असा ठाम विश्वास आमदार सचिन कल्याणशेट्टी यांनी व्यक्त केला.

बार्शी कृषी उत्पन्न बाजार समितीच्या वतीने देशाच्या अमृत महोत्सवानिमित्त आयोजित करण्यात आलेल्या 'राज्यस्तरीय भगवंत कृषी महोत्सवा'चा समारोपा प्रसंगी आमदार सचिन कल्याणशेट्टी बाेलत हाेते. (Maharashtra News)

आमदार सचिन कल्याणशेट्टी यांच्या वक्तव्यामुळे सोलापूर जिल्ह्यातील राजकीय क्षेत्रात अनेक तर्कवितर्क निघायला सुरुवात झालीय. 'काय झाडी, काय डोंगर' फेम सांगोल्याचे आमदार शहाजी बापू पाटील हे सोलापूर जिल्ह्यातलेच आणि आता भाजपच्या (bjp) जिल्ह्याध्यक्षांनी अशा पद्धतीच विधान केल्यामुळे उलटसुलट राजकीय चर्चांना ऊत आला आहे. (Tajya Batmya)

Edited By : Siddharth Latkar