जालना: राज्याचे पर्यावरण मंत्री आदित्य ठाकरे (Aaditya Thackeray) हे अयोध्या दौऱ्यावर जाणार आहेत. यावरून विरोधकांनी टिका करणं सुरु केलं असलं तरी आमदार रोहित पवारांनी (Rohit Pawar) मात्र आदित्य ठाकरे यांची पाठराखण केली आहे. निमंत्रण आल्यास मि सुद्धा त्यांच्यासोबत आयोध्या दौऱ्यावर जाईल असं रोहित पवारांनी म्हटलं आहे. काही दिवसांपासून शरद पवार (Sharad Pawar) आणि अजित पवार यांना टार्गेट केलं जात असून हे आम्हाला नाही तर राज्याच्या संस्कृतीला टार्गेट केलं जातं असल्याचा आरोप देखील त्यांनी केला आहे.

लोकशाही मार्गाने भाजपला विजय मिळवता येत नाही त्यामुळे सोशल मीडिया, केंद्रीय यंत्रणा हाताशी धरून मुंबई महापालिकेची निवडणूक आयोग डोळ्यासमोर ठेवून महाविकास आघाडीच्या नेत्यांना टार्गेट केलं जात असल्याचं रोहित पवारांनी म्हटलं आहे.

अमरावतीच्या खासदार नवनीत राणा आता भाजपची भाषा बोलू लागल्या असून त्यांचं पद टिकवण्यासाठी आणि पुन्हा निवडून येण्यासाठी त्यांना तिकीट हवं असेल म्हणून त्यांनी भूमिका बदलली असावी असा टोलाही रोहित पवार यांनी लगावला आहे. शिवाय निवडुन येण्यासाठी भाजप काहीही करायला तयार आहे असा आरोप देखील त्यांनी केला आहे. महाविकास आघाडी सरकार 3 महिन्यात कोसळेल असं भाकीत विरोधक वर्तवत होते मात्र आज या सरकारला 3 वर्ष पूर्ण झाले आहेत, त्यामुळे महाविकास आघाडीतील कोणतेही आमदार भाजपच्या संपर्कात नसल्याचं रोहित पवार यांनी स्पष्ट केलं.

Edited By: Pravin Dhamale