उस्मानाबाद : जिल्ह्यातून धक्कादायक बातमी समोर आली आहे. शेतकऱ्यांचे पिकविमा अनुदानासह विविध मागण्यांसाठी शिवसेनेच्या ठाकरे गटातील आमदार कैलास पाटील यांनी आंदोलन केलं आहे. गेल्या पाच दिवसांपासून जिल्हाधिकारी कार्यालयासमोर आमरण उपोषण सुरु आहे. या आंदोलनाला जिल्हाभरातून मोठ प्रतिसाद मिळत असून आंदोलन दिवसेंदिवस तीव्र होत आहे. आज शिवसेनेच्या (shivsena) कार्यकर्त्यांनी एसटी बस फोडून आंदोलन चिघळवले. आंदोलन करूनही शासनाने कोणत्याच प्रकारची दखल घेतली नसल्याने कार्यकर्त्यांनी आक्रमक पवित्रा घेतला आहे. (mla kailas patil strike against Maharashtra government)

आमदार कैलास पाटील यांच्या नेतृत्वात सुरु असलेलं आंदोलन चिघळलं आहे. शिवसेना कार्यकर्त्यांनी एसीटी बस फोडल्यामुळं वातावरण तापलं आहे. कार्यकर्त्यांनी दोन शहरात दोन ठिकाणी बस फोडून निषेध केला. तसंच जोरदार जोरदार घोषणाबाजीही केली. मागील पाच दिवसांपासून पाटील यांचे आंदोलन सुरु असून याबाब कोणतीही दखल घेतली नाहीय. त्यामुळं शिवसेना कार्यकर्ते आक्रमक झाले आहेत.