सांगली : मिरज येथे मोहरम muharram सणाच्या निमित्ताने मिरासाहेब दर्गा merra sahab darga miraz येथील समोरील बाजूस मोहरम खाण्यामध्ये पंजे बसविण्याचा कार्यक्रम सुरू होता. या ठिकाणी माेठ्या संख्येने गर्दी केल्याने पाेलिस प्रशासनाने सुमारे ३० जणांवर काेविड १९ च्या नियम व अटींचा भंग केल्याचा गुन्हा दाखल केला आहे.

काेविड १९ च्या अनुषंगाने राज्य शासनाने गर्दी होणारे सण ,यात्रा ,उरूस यांच्यावर बंदी घातली आहे. माेहरम देखील साध्या पद्धतीने साजरा करा असे आवाहन राज्य शासनाने केले आहे. माेहरमला मिरवणुका नकाेत असेही स्पष्ट केले आहे.

मिरज येथील मिरासाहेब दर्गा नजीक पंजे स्थापने वेळीस सुमारे ४०० ते ४५० जणांचा जनसमुदाय गाेळा झाला होता. यामुळे काेविड १९ अंतर्गत दिलेल्या आदेशाचे उल्लंघन प्रकरणी पाेलिसांनी ३० जणांवर गुन्हा दाखल केला आहे.

मिरज शहर पोलिस ठाण्याचे सहाय्यक पोलिस निरीक्षक संजय पाटील यांच्या फिर्यादीनुसार मिरासाहेब खादिम जमात प्रमुख अजगर शरीकमसलत मिरासाहेब दर्गा ट्रस्टी अब्दुल मुजीब अब्दुल अजीज मुतवल्ली जणीब मेहबूब मुश्रीफ यांच्यासह ३० जणांवर गुन्हा दाखल झाला आहे.

Edited By : Siddharth Latkar