अहमदनगर: राज्याचे जलसंधारण मंत्री शंकरराव गडाख (Shankarrao Gadakh) यांचे पीए राहुल राजळे यांच्यावर काही अज्ञात गुंडांनी नेवासा तालुक्यातील घोडेगाव येथे जीवघेणा हल्ला केला. तीन ते चार अज्ञातांनी गोळीबार केलाची प्राथमिक माहिती समोर आली आहे. सध्या 3 जणांना ताब्यात घेतले असून पोलिस तपास करत असल्याचं पोलिस अधीक्षक मनोज पाटील यांनी सांगितले आहे.

जलसंधारण मंत्री शंकराव गडाख यांचे स्वीय सहाय्यक राहुल राजळे (Rahul Rajale) एका यात्रेतून आपल्या घरी जात असतानी आधीच दबा धरून बसलेल्या हल्लेखोरांनी अचानक हल्ला केला. हल्ले खोरांनी त्यांच्यावर तीन फायर केले त्यापैकी एक गोळी त्यांना कमरेच्या खालील भागास लागल्याने ते गंभीर जखमी झाले आहे. याप्रकरणी राहुल राजळे त्यांच्या भावाने पोलीस ठाण्यांमध्ये फिर्याद दिली आहे. प्रकरणी तीन संशयित आरोपींना ताब्यात घेतले आहे कामात अडथळा काढतो म्हणत त्यांनी गोळीबार केल्याचं पोलीस अधीक्षक मनोज पाटील यांनी सांगितले.

घटना घडल्यानंतर पोलिस प्रशासनाने तात्काळ घटनास्थळी धाव घेतली राहुल राजळे यांना तातडीने उपचारासाठी अहमदनगर येथे मॅक्स केअर या खाजगी रुग्णालयात दाखल करण्यात आले रात्रीच्या सुमारास त्यांच्यावर तातडीने शस्त्रक्रिया करण्यात आली. राहुल राजळे यांच्या वरील गोळीबारानंतर नेवाश्या सह नगर जिल्ह्यात खळबळ उडाली आहे. पोलिसांनी 3 जणांना ताब्यात घेतले असून त्यांची चौकशी सुरू आहे. तसेच आणखीन आरोपी निष्पन्न होणार असून नेमका हा हल्ला का झाला आणि कोणी केला याचा तपास पोलीस करत आहेत.

Edited By: Pravin Dhamale