संजय राठोड

Yavatmal News :

यवतमाळमध्ये शासकीय वैद्यकीय महाविद्यालयातील विद्यार्थीनीने गळफास घेऊन जीवन संपवल्याची घटना समोर आली आहे. महाविद्यालयातील वसतिगृहात विद्यार्थिनीने आत्महत्या केली आहे. सुहानी ढोले असं मृत विद्यार्थिनीचं आहे.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मिळालेल्या माहितीनुसार, वसंतराव नाईक शासकीय महाविद्यालयातील विद्यार्थीनीने वसतिगृहात गळफास घेऊन आत्महत्या केली. या घटनेने महाविद्यालयात एकच खळबळ उडाली आहे. सुहानीच्या आत्महत्येने तिचे नातेवाईक, मित्र, शिक्षक यांना धक्का बसला आहे. (Latest News)

सुहानी एमबीबीएस अभ्यासक्रमाच्या पहिल्या वर्षाला शिकत होती. घटनेची उस्मानाबाद येथे राहणाऱ्या नातेवाईकांना माहिती देण्यात आली आहे, असं महाविद्यालयाचे अधिष्ठाता डॉ. गिरीश जतकर यांनी सांगितले.

यवतमाळ पोलिसांनी घटनास्थळी भेट देत पंचनामा केला. सुहानीने आत्महत्या का केली, याचे कारण समजू शकले नाही. पोलीस याबाबत अधिक तपास करत आहेत.

पोलीस भरतीची तयारी करणाऱ्या तरुणाची आत्महत्या

पोलीस भरतीची तयारी करणाऱ्या १८ वर्षीय तरुणाने अकॅडमीच्या हॉस्टेलमध्येच गळफास घेत आपली जीवनयात्रा संपवली आहे. श्रीकांत दशरथ वाघ असं मृत तरुणाचं नाव आहे. छत्रपती संभाजीनगर शहरातील वाळूज परिसरातील ही घटना आहे.