मावळ : कृषिमंत्री अब्दुल सत्तार यांनी खासदार सुप्रिया सुळे (Supriya Sule) यांच्याबद्दल केलेल्‍या बेताल वक्तव्याचा सर्वत्र निषेध केला जात आहे. यात (NCP) राष्ट्रवादी युवक काँग्रेसच्यावतीने वडगावमधील तहसील कार्यालयावर जोडे मारो आंदोलन करण्यात आले. (Tajya Batmya)

कृषिमंत्री अब्‍दुल सत्‍तार (Abdul Sattar) यांनी केलेल्‍या वक्‍तव्‍याच्‍या विरोधात मावळातील (Maval) राष्ट्रवादीचे काँग्रेसचे कार्यकर्ते चांगलेच पेटून उठले आहेत. मावळातील पंचायत समिती कार्यालय वडगाव ते तहसील कार्यालयावर मोर्चाही काढण्यात आला. दरम्यान ‘अब्दुल सत्तार हाय हाय’, सत्‍तारांवर गुन्हा दाखल करा. पन्नास खोके अब्दुल सत्तार ओके..अशा प्रकारच्या घोषणाही देण्यात आल्या.

तर मुंबई– पुणे द्रुतगती मार्गही अडवू

दरम्यान अब्दुल सत्तार यांचा राजीनामा फडणवीस– शिंदे सरकारने घेतला नाही. तर आम्ही मुंबई– पुणे द्रुतगती मार्गही अडवून आंदोलन करू; असा इशारा मावळ राष्ट्रवादी काँग्रेसच्यावतीने देण्यात आला. यावेळी महिलांची उपस्थिती लक्षणीय होती.