सांगली : निवासी डॉक्टरांच्या विविध मागण्यांसाठी मिरज येथे आज (शुक्रवार) निवासी डॉक्टरांनी कामबंद करीत आंदोलन छेडले. मिरज शासकीय रुग्णालयासमोर यावेळी निवासी डॉक्टरांनी निदर्शने केली. शैक्षणिक शुल्क माफ करा यासह विविध मागण्यांबाबत मार्ड संघटनेच्या नेतृत्वाखाली हे आंदोलन छेडण्यात आले हाेते. mard-resident-doctor-strike-sangli-marathi-news-sml80

राज्यातील विविध शासकीय रुग्णालयातील निवासी वैद्यकीय अधिका-यांच्या (डॉक्टर) मागण्यांसाठी आज (शुक्रवार) राज्यभरात मार्ड संघटनेच्या नेतृत्वाखाली आंदोलन करण्यात येत आहे. सांगली-मिरज येथील शासकीय रुग्णालयातील निवासी डॉक्टरांनी देखील या आंदोलनास पाठींबा दिला. सर्वांनी त्यांचे काम बंद ठेवून निदर्शने केली.

गेल्या दीड वर्षांपासून निवासी डॉक्टर जीव धोक्यात घालून काेविड रुग्णांना सेवा देताहेत आहेत. त्यामुळे या काळात शैक्षणिक नुकसान झाले आहे. आमचे शुल्क माफ झाले पाहिजे तसेच मुंबई महापालिकेच्या रुग्णालयातील निवासी डॉक्टरांना ज्या पद्धतीने कोविड भत्ता दिला जाताे. त्याच पद्धीने राज्यातील इतर शासकीय रुग्णालयातील निवासी डॉक्टरांना भत्ता मिळावा आदी मागण्यांसाठी हे आंदाेलन असल्याचे अक्षय सताई (अध्यक्ष, निवासी डॉक्टर, संघटना , मिरज) यांनी नमूद केले.

edited by : siddharth latkar