राज्याचे उपमुख्यमंत्री अजित पवार यांचं काही दिवसांपूर्वी बारामती येथे विमान अपघातात निधन झालं.. अजित पवारांच्या अस्थि राष्ट्रवादी काँग्रेस पक्षाकडून राज्यभर दर्शनासाठी ठेवण्यात येत आहेत.. आज हाच अस्थी कलश पुणे जिल्हा मध्यवर्ती सहकारी बँकेत ठेवण्यात आला आहे.. याच PDCC बँकेतून अजित पवारांनी 1991- 92 साली आपल्या जिल्ह्यातील राजकारणाची सुरुवात केली होती..1992 पासून 2025 पर्यंत अजित पवार या बँकच्या वेगवेगळ्या पदावर कार्यरत होते. आज त्याच बँकेच्या प्रांगणात अजित पवार यांचे अस्थी कलश ठेवण्यात आले आहेत..

आपसी वादातून कॅफे जाळल्याची माहिती

नंदनवन मेन रोड परिसरातील घटना

मध्य रात्री कॅफे संपूर्ण जळून खाक

आज पोलीस बंदोबस्त तैनात...

काल रात्री दोन गटात वाद झाल्यानंतर कॅफेला आग लावल्याची माहिती

बुलढाणा जिल्ह्यातील मेहकर शहरात आज मोठी दुर्घटना थोडक्यात टळली. पाखरे हॉस्पिटलजवळ असलेल्या वीज वितरण कंपनीच्या विद्युत डीपीला अचानक आग लागली. डीपीजवळ वाहने उभी होती आणि शेजारीच हॉस्पिटल असल्याने परिस्थिती गंभीर बनली होती. मात्र स्थानिक नागरिकांच्या तत्परतेमुळे आग वेळीच आटोक्यात आली आणि सुदैवाने कोणतीही जीवितहानी झाली नाही. शॉर्टसर्किटमुळे आग लागल्याचा प्राथमिक अंदाज असून, वीज वितरण कंपनीच्या दिरंगाईवर नागरिकांनी संताप व्यक्त केला आहे.

शरद पवारांचा दिल्ली दौरा रद्द!

अधिवेशनासाठी जाणार होते दिल्लीला

आता मुंबईहून बारामतीला जाणार

सांगली मध्ये घडलेल्या हिट अँड रन अपघात तील जखमींचे पालकमंत्री चंद्रकांत पाटलांनी भेट घेतली आहे.सांगलीच्या शासकीय रुग्णालयामधील उपचार घेणाऱ्या जखमींची भेट घेत विचारपूस केली आहे. दोन दिवसांपूर्वी सांगलीतल्या मुख्य रस्त्यांवर हिट अँड रनचा थरारक प्रकार घडला होता.

धाराशिव जिल्हा परिषद व पंचायत समिती निवडणुकीसाठी महसूल मंत्री चंद्रशेखर बावनकुळे यांनी उमरगा तालुक्यातील येणेगुर येथे सभा घेतली. यावेळी मोठ्या संख्येने कार्यकर्ते पदाधिकारी व नागरिक या सभेसाठी उपस्थित होते.भाजपा महायुतीच्या सर्व उमेदवारांना अधिकाधिक मतांनी विजयी करण्याचा आवाहन यावेळी महसूल मंत्री चंद्रशेखर बावनकुळे यांनी केल आहे.

सोलापूर जिल्हा जिल्हा परिषद आणि पंचायत समिती निवडणूक प्रचार जोमात सुरू झाली आहे. माळशिरस तालुक्याचे माजी आमदार राम सातपुते त्यांची पत्नी संस्कृती सातपुते या दहिगाव जिल्हा परिषद गटातून भाजपकडून निवडणुकीत रिंगणात उतरल्या आहेत. प्रचार करत असताना त्या आपल्या चार महिन्याच्या तान्ह्या बाळाला घेऊन त्या प्रचारात उतरल्या आहेत.

यवतमाळच्या नेर तालुक्यातील पांढरी येथील शेतशिवारातील गोवर्धन पवार यांनी त्यांच्या शेतात तूर काढून त्याची गंजी मारून ठेवली असतात अज्ञात व्यक्तीने रात्री दरम्यान तुरीच्या गंजीला आग लावल्याने संपूर्ण तुरीची गंजी जळून खाक झाली आहे.यामध्ये वीस क्विंटल तूर जळ्याचा अंदाज व्यक्त केल्या जात असून खरीप हंगामातील शेवटचे पीक तूर काढून घरी आणणार अशात अज्ञात व्यक्तीने तुरीच्या गंजीला आग लावली. या घटनेमुळे शेतकरी महिला आक्रोश करताय.

दिवंगत उपमुख्यमंत्री अजित पवार यांचा अस्थी कलश यवतमाळात आणण्यात आलय.शहरातील दारव्हा मार्गावरील हाऊसिंग फायनान्सच्या कार्यालयात हा कलश ठेवण्यात आला आहे. चार फेब्रुवारी रोजी सायंकाळी सात वाजेपर्यंत येथे अस्थी कलश दर्शनासाठी ठेवण्यात येणार आहे. दर्शन घेण्यासाठी राष्ट्रवादी काँग्रेस पार्टीचे सर्व पदाधिकारी, जनतेने उपस्थित राहावे, असे आवाहन जिल्हाध्यक्ष बाळासाहेब कामारकर पाटील यांनी केले आहे.

पुणे जिल्हा सहकारी दूध उत्पादक संघ मर्यादित (कात्रज) या संघाला "अजितदादा पवार पुणे जिल्हा सहकारी दूध उत्पादक संघ, कात्रज"असे नामकरण करण्याचा ठराव नुकताच संचालक मंडळाच्या बैठकीत करण्यात आला आहे.

अजित दादांचे विमान अपघातात निधन झाल्याने संपूर्ण सहकार क्षेत्रात शोककळा पसरली असून, ही हानी पुणे जिल्ह्यातील दूध संघासाठी कधीही भरून न निघणारी असल्याची भावना बैठकीत व्यक्त करण्यात आली.अजित पवार यांनी सहकार चळवळीला प्रोत्साहन दिले. संघाच्या वार्षिक सभेला ते उपस्थित राहिले होते. पवार कुटुंबाचे सहकार चळवळीला आणि संघाच्या विविध प्रयत्नांना सातत्याने सहकार्य मिळाले आहे. संघाच्या पायाभूत सुविधा आणि दीर्घकालीन नियोजनासाठी “संघाला बळकट करणे, दूध उत्पादक शेतकऱ्यांसाठी संस्थात्मक उभारणीला प्राधान्य देणे आणि सहकारी संस्थांना सक्षम बनविणे या व्यापक दृष्टिकोनातून संघाला मिळालेले पाठबळ आम्ही कायम स्मरणात ठेवू,” अशी भावना संचालकांनी व्यक्त केली.

पुणे शहरात दारू पिऊन वाहन चालविण्याच्या घटनांमुळे वाढत असलेले अपघात आणि बळी रोखण्यासाठी पोलिस प्रशासन अधिक कठोर पावले उचलणार असून, ‘ड्रंक अँड ड्राईव्ह’ची पुनरावृत्ती झाल्यास सर्जिकल स्ट्राईक करत थेट वाहन जप्तीची कारवाई करण्यात येणार आहे, अशी स्पष्ट भूमिका पोलिस आयुक्त अमितेश कुमार यांनी व्यक्त केली. शहर पोलिसांच्या वाहतूक शाखेतर्फे शिवाजीनगर येथील मुख्यालयात सोमवारी रस्ता सुरक्षा अभियान २०२६ अंतर्गत समुपदेशन व मार्गदर्शन शिबिराचे आयोजन करण्यात आले होते. या शिबिरात दारू पिऊन वाहन चालविणाऱ्या (ड्रंक अँड ड्राईव्ह) वाहनचालकांना मार्गदर्शन करताना पोलिस आयुक्त अमितेश कुमार बोलत होते. दोनपेक्षा अधिक वेळा ड्रंक अँड ड्राईव्हची कारवाई झाल्यास संबंधित वाहन थेट जप्त करण्यात येणार आहे. याचबरोबर ट्रिपल सीट वाहनचालकांची वाढती संख्या लक्षात घेता, त्यांची वाहनेही जप्त केली जातील, असेही त्यांनी सांगितले.

मौजमजेसाठी अल्पवयीन मुलाला कारच्या चाव्या देणे स्वीकारार्ह नाही, सर्वोच्च न्यायालयाने आरोपी पालकांच्या भूमिकेवर ओढले ताशेरे

कल्याणीनगर अपघात प्रकरणात अल्पवयीन मुलांच्या अशा कृत्यांसाठी त्यांचे पालकच जबाबदार असून, मौजमजेसाठी मुलांच्या हातात कारच्या चाव्या आणि पैसे देणे अजिबात स्वीकारार्ह नाही, अशा शब्दांत सर्वोच्च न्यायालयाने आरोपी पालकांच्या भूमिकेवर ओढले ताशेरे

पुणे महापालिकेतील महापौर आणि उपमहापौर पदासाठी भारतीय जनता पक्षाकडून उमेदवार निश्चित करण्याच्या दृष्टीने आज पुण्यात भाजपा कोअर कमिटीची महत्वाची बैठक पार पडली. ही बैठक प्रदेशाध्यक्ष रवींद्र चव्हाण यांच्या अध्यक्षतेखाली झाली.

या बैठकीत पुणे महापालिकेच्या महापौर पदासाठी इच्छुक असलेल्या नावांवर सविस्तर चर्चा करण्यात आली. महापालिकेतील सध्याची राजकीय स्थिती, पक्षातील अंतर्गत समीकरणे, आगामी स्थानिक स्वराज्य संस्थांच्या निवडणुका तसेच पुणे शहरातील राजकीय संतुलन लक्षात घेऊन संभाव्य नावांची चर्चा झाली.