जालना : भाजप नेते किरीट सोमैय्या यांनी मुंबई पोलीस सहआयुक्त विश्वास नांगरे पाटील यांच्यावर काल आरोप करत नांगरे पाटील हे राज्य सरकारचे हस्तक असल्याचं म्हटलं होतं. सोमैय्या यांच्या आरोपानंतर मराठा क्रांती मोर्चानं आज जालन्यात किरीट सोमैय्या यांच्या प्रतिमेला जोडे मारो आंदोलन केलं.

हे देखील पहा :

यावेळी मराठा क्रांती मोर्चाच्या पदाधिकाऱ्यांनी सोमय्या यांनी केलेल्या आरोपांचा निषेध नोंदवत त्यांच्या विरोधात घोषणाबाजी केली. जालना शहरातील अंबड चौफुली चौकात हे आंदोलन करण्यात आले.

मुंबई मधील २६/ ११ च्या दहशतवादी हल्ल्यात नांगरे पाटील यांनी अतिरेक्यांशी प्राणपणे लढा दिल्याने राज्य सरकारने त्यांचा सन्मान केला. अशा नांगरे पाटलांवर नाहक आरोप करुन त्यांना बदनाम करणाऱ्या किरीट सोमय्या यांच्यावर कारवाई करावी अशी मागणी मराठा क्रांती मोर्चाच्या वतीने पोलीस अधीक्षकांकडे करण्यात आली आहे. दरम्यान, सोमय्या यांनी या प्रकरणी माफी न मागितल्यास त्यांच्या घरावर काळी शाई फेकू असा ईशारा आंदोलकांनी दिलाय.

Edited By : Krushnarav Sathe