ऐकलतं बीडमधील नारायणगडावर दसरा मेळाव्यात मराठा आंदोलक मनोज जरांगे पाटलांनी पुन्हा एकदा चलो मुंबईची हाक दिलीय...मात्र यावेळी सरकारनं दिलेल्या डेटलाईननंतरच जरांगे मुंबईत दाखल होणार आहे...सरकारला दिलेल्या मुदतीचा एक महिना संपला असून आता दोन महिने शिल्लक आहेत. त्यानंतर मुंबईत धडकण्यासाठी तयारीला लागण्याचं आवाहन जरांगेंनी मराठा आंदोलकांना केलंय. दुसरीकडे जरांगे यावेळी फक्त समर्थकांना आवाहन देऊन थांबले नाहीत. तर विरोध करणाऱ्यांना २०२९ मध्ये पाडण्याचा इशाराही जरांगेंनी दसरा मेळाव्यात दिलाय.

नारायणगडावरील या दसरा मेळाव्यावरून मनोज जरांगे पाटील यांनी आरक्षणाच्या मुद्द्यावरून केवळ प्रशासनालाच नव्हे, तर थेट 2029 च्या निवडणुका डोळ्यासमोर ठेवून राजकीय पक्षांनाच टार्गेट केलयं. तीन महिन्यांची दिलेली मुदत आणि पुन्हा मुंबईत आंदोलनाची हाक यामुळे येत्या काळात राज्य सरकारसमोरील आव्हानं आणखी वाढण्याची चिन्ह आहेत..