जरांगेच्या या ऑडीओ क्लीपनं राजकीय वर्तुळात एकच खळबळ उडवून दिलीय..आंदोलन थांबवण्यासाठी शिंदेनी ५०० कोटी भाजपकडून घेतल्याच्या गंभीर आरोप दसरा मेळाव्याला नारायणगडावरून जरांगेंनी केला आणि त्यानंतर पुरावा म्हणून पत्रकार परिषदेत तब्बल अर्ध्या तासाची ऑडीओ क्लीप ऐकवली...

ही क्लीप एकेवून जरांगे थांबले नाहीत तर ही क्लीप भाजपच्या ITसेलच्या बैठकीतील असल्याचा दावाही जरांगेंनी केलाय... मराठी आंदोलन मोडून काढण्यासाठीच्या या 500 कोटींच्या षडयंत्राची पंतप्रधान मोदींनी दखल घ्यावी अशी मागणीही जरांगे पाटलांनी केलीय... दुसरीकडे जरांगेंच्या ऑडिओ बॉम्बनंतर शिंदेसेनेनं थेट भाजपकडे बोटं दाखवलयं....2 वर्षापूर्वीची ऑडिओ क्लिप आता कशी बाहेर आली?

क्लिपमधील लोक भाजपचेच आहेत, असं म्हणत रामदास कदमांनी भाजवर निशाणा साधलाय... तर शिंदेंच्या बदनामीची सुपारी कोणी दिली? याची चौकशी व्हायला हवी, असं विधान मंत्री संजय शिरसाटांनी केलयं...मात्र AIच्या माध्यमातून नेत्यांची बनावट क्लिप बनवता येते... त्यामुळे चौकशीनंतरच तो आवाज भाजपच्या लोकांचा आहे की नाही ते स्पष्ट होईल, असं प्रत्युत्तर भाजपनं दिलयं...

नारायण गडावरील दसरा मेळाव्यात सुरू झालेला आरोप-प्रत्यारोपांचा हा कलगीतुरा आता ऑडिओ क्लिपच्या पुराव्यांपर्यंत येऊन पोहोचला आहे. एकीकडे जरांगे पाटलांनी आक्रमक पवित्रा कायम ठेवलाय... तर दुसरीकडे शिंदेसेना आणि भाजप पुन्हा एकदा आमनेसामने आलीय.... जरांगेंच्या ऑडिओ बॉम्बनंतर या प्रकरणाची STI चौकशी होणार का? SIT चौकशीत कोणती तथ्य समोर येणार? जरांगेंचं आंदोलन संपवण्यासाठी हा डाव आखला गेलाय की आरोपांआडून शिंदेसेनेची बदनामी सुरु आहे? हे सर्व चौकशीनंतर समोर येईलच पण तोपर्यंत ऑडीओ क्लीपचा बॉम्ब किती धमाका उडवणार पाहावं लागेल.