मराठा आंदोलक मनोज जरांगेंनी पुन्हा एकदा आरक्षणासाठी एल्गार पुकारलाय... कुणबी आरक्षणासाठी मुंबईच्या आझाद मैदानावर उपोषणाचा इशारा जरांगेंनी दिलाय... तर आंतरवली सराटी ते मुंबईकडे जाण्याचा रोडमॅपही मनोज जरांगेंनी जाहीर केलाय....

27 ऑगस्ट रोजी अंतरवाली मराठीतून मुंबईच्या दिशेने रवाना होणार, शहागड - पैठण मार्गे शेवगाव - पांढरी पूल -आळेफाटा- शिवनेरी दर्शन -कल्याण,वाशी, चेंबूर या मार्गे मनोज जरांगे पाटील 29 ऑगस्टला मुंबईच्या आझाद मैदानावर पोहोचणार... दरम्यान शिवनेरी गडावर म्हणून जरांगे पाटील यांचा मुक्काम देखील होण्याची शक्यता आहे

तर 29 ऑगस्टचा मोर्चा गर्दीचे सगळे रेकॉर्ड मोडणार असल्याची आशा जरांगेंनी व्यक्त केलीय..मनोज जरांगेंनी जानेवारी 2024 मध्ये आंतरवली सराटी ते वाशी असा लाँग मार्च काढला होता.. मात्र 26 जानेवारी 2024 ला तत्कालिन मुख्यमंत्री एकनाथ शिंदेंनी मराठा आरक्षणाच्या अध्यादेशाचा ड्राफ्ट जरांगेंच्या हाती सोपवला...मात्र अजूनही त्याची अंमलबजावणी न झाल्याने जरांगेंनी पुन्हा मुंबईच्या दिशेने लाँग मार्च काढण्याचं जाहीर केलंय... मात्र आता या मोर्चाच्या मागण्या काय असणार आहेत?

मनोज जरांगेच्या या आहेत मागण्या

मराठा कुणबी एक असल्याचा जीआर काढा

हैदराबादसह सातारा आणि बॉम्बे गॅझेट लागू करा

आरक्षणासाठी सगेसोयरे अधिसूचनेची अंमलबजावणी करा

मराठा आरक्षणाच्या काळात दाखल झालेले गुन्हे मागे घ्या

मराठा आरक्षणासाठी बलिदान देणाऱ्याच्या वारसांना नोकरी द्या

आता जरांगेंनी मुंबईकडे कूच करण्याचं जाहीर केल्याने सरकारचं टेन्शन वाढलंय... त्यामुळे सरकार मनोज जरांगेंच्या लाँग मार्चबाबत यशस्वी तोडगा काढणार की जरांगेंचा लाँग मार्च मुंबईत धडकणार? याकडे राज्याचं लक्ष लागलंय...