Beed:

बीडच्या श्रीक्षेत्र कपिलधार येथे वीरशैव लिंगायत समाजाचे श्रद्धास्थान श्रीक्षेत्र कपिलधार येथे कार्तिक पौर्णिमा यात्रेत शिवा संघटनेचा भव्य मेळावा संपन्न होत आहे. गेल्या 28 वर्षांपासून मेळावा घेण्याची परंपरा आहे. या ठिकाणी लाखो लिंगायत बांधव सहभागी होतात, मेळाव्यामध्ये राजकीय भूमीका स्पष्ट केली जाणार असल्याचं शिवा संघटनेचे अध्यक्ष मनोहर धोंडे यांनी स्पष्ट केलंय.  ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

लोकसंख्येच्या प्रमाणात वीरशैव लिंगायत समाजाला महाराष्ट्रात सत्तेतील वाटा मिळत नसल्याची खंत व्यक्त करत. शिवा संघटना निवडणुकीच्या राजकीय मैदानात उतरणार आहेत. सेवा जन शक्ती पक्षाची स्थापना करण्यात आली असून आगामी लोकसभा आणि विधानसभा निवडणुकीत उमेदवार असतील असं शिवा संघटनेचे संस्थापक अध्यक्ष मनोहर धोंडे यांनी सांगितलं.

गेल्या 28 वर्षांपासून आम्ही तीर्थक्षेत्र कपिलधारचा विकास करण्यासाठी प्रयत्न करतोय. 2019 ला 11 कोटी रुपयांचा निधी आला. मात्र इथं जिल्हा प्रशासन, देवस्थान ट्रस्ट आणि गुत्तेदारांकडून बोगस काम केले जातात. अवघा तीन कोटीचा निधी खर्च केलाय, त्याचबरोबर देवस्थान ट्रस्ट देखील हे अधिकृत नाही, असा गंभीर आरोप यावेळी मनोहर धोंडे यांनी केलाय.

दरम्यान राज्यातील पर्यटन केंद्र आणि लाखो भाविकांचे श्रद्धास्थान असणाऱ्या संत शिरोमणी मन्मथ स्वामी महाराजांच्या कपिलधारच्या विकास कामाविषयी बऱ्याच योजना आखलेल्या आहेत. माध्यमांशी संवाद साधताना पुढील योजनांची माहिती देण्यात आलीये.