Dharashiv News :

मराठा समाजाला आरक्षण मिळावे या मागणीसाठी आणखी एका युवकाने आत्महत्या केल्याची घटना उघडकीस आली आहे. भुम तालुक्यातील निपाणी येथील 38 वर्षीय तरुणाने जीवन संपवलं आहे.

प्रवीण घोडके असे या तरुणाचे नाव असून बुधवारी आंब्याच्या झाडाला गळफास घेऊन या तरुणाने आत्महत्या केली. मराठा आरक्षणासाठीच आत्महात्या केल्याची माहिती मयत प्रवीणचे वडील काकासाहेब घोडके यांनी दिली. मयत प्रवीण विवाहित असून त्याला एक मुलगा, दोन मुली आहेत. (Latest News)

बीडमधील शहाजानपूर लोणी गावात देखील बुधवारी एका २१ वर्षीय मराठा तरुणाने गळफास घेऊन आत्महत्या केली होती. अशोक मते असे आत्महत्या केलेल्या तरुणाचे नाव आहे. अशोकच्या खिशात एक चिठ्ठी सापडली. त्यात सरकार मराठा आरक्षण देत नाही, त्यामुळे आत्महत्या करत असल्याचा मजकूर लिहिला होता. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

काही दिवसांपूर्वी जालन्यातील चिकनगाव मधील एका व्यक्तीने मुंबईत आरक्षणासाठी आत्महत्या केली होती. वांद्रे पूर्वेकडील पश्चिम द्रुतगती महामार्गावरील उड्डाणपुलावर गळफास घेऊन आत्महत्या केली होती. सुनील बाबुराव कावळे असं या व्यक्तीचं नाव होतं.