हा पिंजरा निट बघा...जंगलात लावलेला हा पिंजरा एका वाघिणीच्या प्रतिक्षेत आहे. हो...सतत हुलकावणी देणाऱ्या एका नरभक्षक वाघिणीला पकडण्यासाठी वन विभाग पूर्णपणे सज्ज आहे. पण तुम्हाला आश्चर्य वाटेल पिंजऱ्यामध्ये डार्ट गन घेऊन कोण बसलंय ? 2 बळी घेणाऱ्या वाघिणीला पकडण्यासाठी वनविभागाने एक थरारक युक्ती वापरलीय. चक्क या पिंजऱ्यात पशुवैद्यकीय अधिकारी डॉ. प्रियल चौरागडे आणि त्यांचे सहकारी प्रतीक घाटे बसले. त्यांनी काही काळ वाघिणीची प्रतीक्षा केली. आणी अखेर तो निर्णायक क्षण आला. वाघीण समोर येताच डॉ. प्रियल यांनी एका क्षणात अचूक डार्ट मारत वाघिणीला बेशुद्ध केलं. वाघीणीला बेशुद्ध करणाऱ्या त्या पहिल्या महिला डॉक्टर ठरल्या आहेत.
अवघ्या 15 मिनिटांत वाघीण बेशुद्ध झाली. त्यानंतर तिला त्याच पिंजऱ्यातून नागपूर येथील ट्रान्झिट ट्रिटमेंट सेंटरमध्ये हलवण्यात आले. वाघिणीच्या हालचालींवर लक्ष ठेवण्यासाठी कॅमेरा ट्रॅप लावण्यात आले होते. तसेच दोन ठिकाणी भक्ष्य बांधण्यात आले होते. मात्र, त्या भक्ष्याकडे न जाता वाघिणीने मोकाट जनावराची शिकार केली आणि ते जंगलात ओढून नेले होते.
पुणे आणि नाशिकमध्ये बिबट्याची दहशत असतानाच नागपूर जिल्ह्यातील उमरेड वनपरिक्षेत्रात गेल्या काही महिन्यांपासून सुमारे अडीच ते तीन वर्षांच्या वाघिणीने धुमाकूळ घातला होता. वाघिणीच्या हल्ल्यात 27 मार्चला निर्मला गभणे आणि 6 जूनला दिगंबर पाटील यांचा बळी गेला. हे दोघेही शेतात काम करत होते. यानंतर दोन ते तीन जणांना वाघीणीने जखमी केले होते. वाघिणीला जेरबंद करण्यासाठी गावकऱ्यांनी चक्काजाम आंदोलन केले होते.
पिंजऱ्यातून दिसणारे दृश्य मर्यादित असल्याने नेम साधणे आव्हानात्मक होते. मात्र, योग्य संधी मिळताच डॉ. प्रियल चौरागडे यांनी अचूक नेम साधला. दोन जणांचा बळी घेतलेल्या आणि अनेक दिवसांपासून वनविभागाला हुलकावणी देणाऱ्या वाघिणीला अखेर वनखात्याच्या वाघिणीनंच जेरबंद केल्यामुळे सर्वत्र कौतुक होतंय.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.