अजय सोनवणे

मनमाड (नाशिक) : जवान चित्रपट आज सर्वत्र प्रदर्शित झाला. पहिल्या दिवशी याला प्रेक्षकांचा चांगला प्रतिसाद मिळत असल्याचे पाहावयास मिळाले. यात मालेगाव (Malegaon) येथे पहिला शो पाहण्यासाठी आलेल्या (Shahrukh Khan) चाहत्यांनी चित्रपट गृहाच्या बाहेर जल्लोष केल्याचे पाहण्यास मिळाले. (Live Marathi News) 

मालेगाव शहरात अनेक अभिनेत्यांच्या मोठा चाहता वर्ग असून जेव्हा जेव्हा अमिर, शाहरुख, सलमान खान यांचे नविन चित्रपट रिलीज होतात. तेव्हा प्रत्येकाचे फॅन्स आपल्या अभिनेत्याच्या चित्रपटाचे आगळ्या वेगळ्या पध्दतीने स्वागत करतात. शिवाय चित्रपट गृहात चिल्लर, पैशांची उधळण करतात. तर प्रसंगी चित्रपट गृहात फटाक्यांची आतिशबाजी करत असल्याच्या घटना घडल्या आहेत.

केक कापून जल्लोष, बॅनरला फुलांचा हार  
चित्रपट शौकीनांचे शहर आणि अभिनेते सलमान, शाहरुख, अमिर खान यांचे चाहते असलेल्या नाशिकच्या मालेगावमध्ये आज शाहरुख खानचा जवान चित्रपट प्रदर्शित झाला. चित्रपटाचा शो मोहन चित्रपट गृहात लागताच त्याच्या चाहत्यांनी हातात बँनर घेत घोषणा देत केक कापून फटाक्यांची आतिषबाजी करत जल्लोषात जवान चित्रपटाचे स्वागत केले. तर शाहरुखच्या बँनरला चक्क फुलांचा हार घातला.