नाशिक जिल्ह्यातील लासलगाव रेल्वे स्थानकाजवळ भीषण अपघात झाला आहे.

 रेल्वे मार्गाची देखभाल करणाऱ्या रेल्वे टावरने (लाईट दुरुस्ती करणारे इंजिन)  चार कामगारांना धडक दिली.

ही धडक इतकी भीषण होती की यात चार कामगारांचा मृत्यू झाला.

 तर एक जण गंभीर जखमी झाला आहे. जखमीला तातडीने रुग्णालयात दाखल करण्यात आले आहे.

संतोष भाऊराव केदारे वय 38 वर्षे, दिनेश सहादु दराडे वय 35 वर्षे, कृष्णा आत्मराम अहिरे वय 40 वर्षे, संतोष सुखदेव शिरसाठ वय 38 वर्षे, अशी मृतांची नावे आहेत.

मृत्युमुखी पडलेले सर्व कर्मचारी लासलगाव परिसरातील असल्याची माहिती आहे.

 चारही कर्मचाऱ्यांच्या नातेवाईकांनी लासलगाव परिसरामध्ये आक्रोश केला.