अमर घटारे, साम प्रतिनिधी
अमरावती जिल्ह्यातील दर्यापूर ते अंजनगाव मार्गावरील तामसवाडी फाट्याजवळ मोठा अपघात घडलाय. दहा प्रवाशांना घेऊन जाणारी ऑटो उलटून मोठा अपघात घडला. या अपघातात सर्व प्रवासी जखमी झालेत. यातील तीन जणांना गंभीर दुखापत झालीय. अपघातातील जखमींना तातडीने दर्यापूर येथे उपजिल्हा रुग्णालयात दाखल करण्यात आले आहे.
मिळालेल्या माहितीनुसार, अंजनगावाकडून दर्यापूरकडे येणाऱ्या ऑटोचा अपघात झाला. या ऑटोमध्ये १० प्रवासी होते. ते दर्यापूर येथे शाळेच्या कामानिमित्त येत होते. ऑटो तामसवाडी फाट्याजवळ आली असताना चालकाचं ऑटोवरील नियंत्रण सुटलं, त्यामुळे अपघात घडलाय. अपघाताची घटना घडताच तेथे मोठ्या प्रमाणात नागरिकांची गर्दी जमली होती.
स्थानिकांनी अपघातातील जखमींना तातडीने दर्यापूर येथील उपजिल्हा रुग्णालयात दाखलं केलं. डॉक्टरांच्यावतीने युद्ध पातळीवर उपचार सुरू आहेत. परंतु यातील तीन ते चार जखमींना अमरावती येथे पुढील उपचार करिता पाठवण्यात आले आहे. याबाबतची माहिती उपजिल्हा रुग्णालयातील डॉक्टर पंकज कोरडे यांनी दिली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.