ओबीसी महाएल्गार मेळाव्याआधीच भुजबळांना मोठा धक्का बसलाय..कारण ओबीसी आंदोलनात फूट पडलीय.. अखिल भारतीय राष्ट्रीय ओबीसी महासंघाचे नेते बबनराव तायवाडे आणि विजय वडेट्टीवारांनी निमंत्रण नसल्याने बीडमधील महाएल्गार मेळाव्याकडे पाठ फिरवलीय.. एवढंच नाही तर भुजबळांना खोचक टोलाही लगावलाय..

खरंतर बीडमधील भुजबळांच्या मेळाव्याची अनेक दिवसांपासून तयारी करण्यात आलीय.. मात्र आता बॅनरवरच्या फोटोवरुन नव्या वादाला तोंड फुटण्याची शक्यता आहे...कारण बीडमध्ये मेळावा असूनही मेळाव्याच्या मुख्य स्टेजवरच्या बॅनरवरुन पंकजा मुंडेंचा फोटो वगळण्यात आलाय.. तर यामुळेच पंकजा मुंडेंनीही मेळाव्याकडे पाठ फिरवल्याची चर्चा रंगलीय..

याआधी रद्द केलेल्या ओबीसी मेळाव्याच्या बॅनरवरही लक्ष्मण हाकेंचा फोटो वगळण्यात आला होता.. त्यावरुन हाकेंनी उघडपणे नाराजी व्यक्त केली होती.. आता पुन्हा एकदा ओबीसी आंदोलनात फूट पडल्यानं हा लढा ओबीसींचं आरक्षण वाचवण्यासाठी आहे की राजकीय नेतृत्व प्रस्थापित करण्यासाठी, असाच सवाल आता निर्माण झालाय..