ऐकलंत... कुणी कितीही ताकद दाखवण्याचा प्रयत्न केला तरी तुमचा सगळ्यांचा बाप मुख्यमंत्री पदावर बसलाय, असं वक्तव्य करुन भाजपचे मंत्री नितेश राणेंनी शिंदे गट आणि अजित पवारांच्या राष्ट्रवादीला इशाराच दिलाय .... हाच इशारा नितेश राणेंचे भाऊ आणि शिंदे गटाचे आमदार असलेल्या निलेश राणेंना चांगलाच झोंबलाय...निलेश राणेंनी नितेश राणेंना थेट युती धर्माचीच आठवण करुन दिलीय....

मात्र निलेशजी तुम्ही टॅक्स फ्री आहात, असं म्हणत निलेश राणेंना डिवचलंय..त्यामुळे राणे बंधूतील कलगितुरा वाढण्याची शक्यता असल्यानं थेट भाजप प्रदेशाध्यक्ष चंद्रशेखर बावनकुळेंनी सारवासारव करण्याचा प्रयत्न केलाय.. तर ठाकरे गटानेही संधी साधत नितेश राणेंना सबुरीचा सल्ला दिलाय....

विधानसभा निवडणुकीपूर्वी निलेश राणेंनी शिंदे गटात प्रवेश केला... त्यामुळे एकाच घरातल्या राणे बंधूंचे पक्ष वेगवेगळे आहेत... आता याच पक्षांच्या भेदामुळे नात्यातही कलगितुरा रंगलाय.. मात्र हा पक्षांसाठीचा भावा-भावांमधील संघर्ष नारायण राणेंसह पक्षातील वरिष्ठ नेत्यांकडून मिटणार की हा संघर्ष आणखी पेटत राहणार?