UPSC: CDS परिक्षेत बुलढाण्याचा अपूर्व पडघान देशात पहिला  Saam TV
महाराष्ट्र

UPSC: CDS परिक्षेत बुलढाण्याचा अपूर्व पडघान देशात पहिला

यशस्वी झालेल्या विद्यार्थ्यांची परीक्षा सैन्य दलाच्या मुख्यालयात घेण्यात येणार आहे.

संजय जाधव

बुलढाणा : केंद्रीय लोकसेवा आयोगातर्फे घेण्यात येणाऱ्या संयुक्त सरंक्षण सेवेसाठीच्या (CDS) परिक्षेत बुलडाण्यातील अपूर्व गजानन पडघान हा देशात प्रथम क्रमांकाने उत्तीर्ण झाला आहे. या परिक्षेचा निकाला आज ता.24 रोजी जाहीर करण्यात आला आहे. या महत्वपूर्व सैन्य दलातील लष्कर, नौसेना आणि वायूसेना या तिन्ही गटातून प्रथम आलेला अपूर्व हा मूळचा बुलडाणा जिल्ह्यातील चिखली तालुक्यातील मेरा येथील रहीवासी आहे. युपीएससीच्या (UPSC) वतीने उमेदवारांना लेखी परिक्षा देण्यासाठी लष्करी ॲकडमी, नेव्हल ॲकडमी आणि वायूदल ॲकडमीमधून निवडण्यात आले होते.

यानंतर यशस्वी झालेल्या विद्यार्थ्यांची परीक्षा सैन्य दलाच्या मुख्यालयात घेण्यात येणार आहे. जिद्द, चिकाटी, कठोर परिश्रम व अभ्यासाचे योग्य नियोजनाच्या जोरावर बुलढाणा जिल्ह्याचा अपूर्व गजानन पडघान हा विद्यार्थी युपीएससी परिक्षेत देशात प्रथम आला आहे. अपूर्व पडघान याने मिळलेल्या यशामुळे बुलडाणा जिल्हयाचे नाव पुन्हा प्रकाशझोतात आले आहे. बुलडाणा जिल्हयातील चिखली तालुक्यातील मेरा बु या छोटयाशा गावातील अर्पूव पडघान याने मिळविलेल्या या अदभूतपूर्व यशामुळे अपूर्व या विद्यार्थ्यांचे सर्वस्तरावरून कौतुकाचा वर्षाव होत आहे.

अपूर्व हा लहानपणापासून अभ्यासात हुशार विद्यार्थी म्हणून ओळखला जात होता. अपूर्वचे वडिल गजानन पडघान हे विवेकानंद विद्या मंदिराचे माजी विद्यार्थी असून ते सद्या जळगाव येथे पोलीस इन्स्पेक्टर म्हणून आर्थिक गुन्हे शाखेत कार्यरत आहेत, तर आई शालीनी या गृहीनी आहे. अपूर्व याने एनआयटी नागपूर येथून बी.टेक मेकॅनिकल इंजिनिअरींग पूर्ण केले आहे. महाविद्यालयीन जीवनापासून युपीएससी परिक्षेत आपल्याला यश प्राप्त करण्याचे ठरविले असल्यामुळे महाविद्यालया पासूनच युपीएससी परिक्षेच्या तयारीला लागला होता. अपूर्वने केवळ सेल्फ स्टडीच्या जोरावर युपीएससी परिक्षेत देशात प्रथम येण्याचा मान पटकाविला आहे. अभ्यासाचे योग्य नियोजन व परिश्रमाच्या जोरावर आपल्याला घवघवीत यश प्राप्त करता आले.

Edited By: Pravin Dhamale

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Politics: काका चुकांवर पांघरुण घालायचे, दादांना शरद पवारांची आठवण का आली

आय लव्ह मोहम्मद आणि आय लव्ह महादेव; देशभरात रंगलेला बॅनर वाद आणि त्यामागची खरी कारणे

Maharashtra Politics : शिंदे गटाच्या नेत्याच्या मुलाला मारण्यासाठी ४ कोटींची सुपारी; पोलिसांत गुन्हा दाखल, राजकीय वर्तुळात खळबळ

Ladki Bahin Yojana: सरकारी लाडकीला दणका, 15 कोटी वसूल करणार

Belly Fat: पोटाची चरबी वाढलीये? फॉलो करा 'या' सोप्या टिप्स, पोटाचा घेर होईल कमी

SCROLL FOR NEXT