पुणे : उत्तरेकडील थंड वाऱ्यांच्या प्रवाहामुळे राज्यात गारठा वाढला आहे. किमान तापमान हंगामात प्रथमच १० अंशांखाली घसरले आहे. त्यामुळे परभणी, धुळे आणि निफाड येथे हुडहुडी वाढली आहे. पुढील काही दिवस राज्यात आणखी थंडी वाढण्याची शक्यता हवामान विभागाने वर्तवली आहे. (Maharashtra Winter Weather Alert Cold Wave Sweeps State Temperatures Likely To Drop )

उत्तर भारतात थंडचा कडाका वाढला आहे. सोमवारी (ता. २५) उत्तर प्रदेशातील 'सारसवा' येथे देशाच्या सपाट भूभागावरील नीचांकी १०.२ अंश सेल्सिअस तापमानाची नोंद झाल्याचे हवामान विभागाने सांगितलेय. उत्तर भारतातील थंडीची लाट काही दिवसांत महाराष्ट्रातही येण्याची शक्यता आहे.

हवामान विभागाने दिलेल्या अंदाजानुसार, आज किमान तापमानात घट होण्याची शक्यता आहे. उत्तरेकडील जिल्ह्यांमध्ये हुडहुडी वाढत जाण्याच अंदाज हवामान विभागाने वर्तविला आहे. देशाच्या उत्तरेकडे थंडीचा कडाका वाढू लागला आहे.

काल उत्तर प्रदेशातील 'सारसवा' येथे देशाच्या सपाट भूभागावरील नीचांकी १०.२ अंश सेल्सिअस तापमानाची नोंद झाल्याचे हवामान विभागाने म्हटले आहे. दरम्यान परभणी येथील वसंतराव नाईक कृषी विद्यापीठामध्ये राज्याचे यंदाच्या हंगामातील ९.६ अंश तापमानाची नोंद झाली आहे.

धुळे येथील कृषी महाविद्यालय आणि निफाड येथील गहू संशोधन केंद्रात १० अंश तापमानाची नोंद झाली. अनेक ठिकाणी किमान तापमान १३ अंशांपेक्षा खाली आहे. उर्वरीत राज्यात किमान तापमानाचा पारा घसरू लागला आहे.

मंगळवार दि. २६ नोव्हेंबरनंतर म्हणजे थंडीतील सातत्य हे टिकून असण्याची शक्यता ही आहेच, परंतु त्या संदर्भातील खुलासा त्यावेळच्या वातावरणीय अवस्थेनुसारच केलेले योग्य ठरेल, असे वाटते.

महाराष्ट्रात सर्वात कमी तापणान कुठे? Minimum temparature less than 15 degree celcius in Maharashtra

परभणी Parbhani 13.5°c

महाबळेश्वर Mahabaleshwar 13.9

सांगली Sangli 15.8

पुणे Pune 13.4

चिखलठाणा Chikalthana 14

सातारा Satara 14.5

नाशिक Nashik 13

मालेगाव Malegaon 13.8

धाराशिव Dharashiv 14.6

नांदेड Nanded 13.6

बारामती Baramati 13.5

उदगीर Udgir 13

अहमदनगर Ahmednagar 11.7

जळगाव Jalgaon 13.1