विट्झ हॉटेल खरेदीपासून सुरु झालेले सामाजिक न्याय विभागाचे मंत्री संजय शिरसाट यांच्या विरोधातील वादाचे फेरे संपता संपत नाहीत. सामाजिक कार्यकर्त्या अंजली दमानिया यांनी पुन्हा एकदा संजय शिरसाट यांच्या सामाजिक न्याय विभागामध्ये तब्बल दोन हजार कोटींचा घोटाळा झाला असल्याचा गंभीर आरोप केलाय.

काय आहेत दमानियांचे आरोप

फेब्रुवारी 2025

सामाजिक न्याय विभागाचा स्वच्छता, मनुष्यबळ आणि देखभालीसाठी निविदा

443 वस्तीगृह, 353 प्राथमिक निवासी शाळा, तर 35 आंबेडकर भवनसाठी पदभरती

सर्वाधिक निविदा बीव्हीजी, क्रिस्टल आणि स्मार्ट सर्व्हिसेस कंपनीलाच

कंत्राटातील टक्केवारीतून 2 हजार कोटींचा भ्रष्टाचार

आरोप केल्यानंतर दमानियांनी थेट संजय शिरसाटांना मानहानीचा खटला दाखल करण्याचं खुलं आव्हानही दिलंय...

फक्त संजय शिरसाटच नाही तर अंजली दमानियांच्या निशाण्यावर महायुतीचे नेते आलेत.... मात्र कोणत्या नेत्यांवर दमानियांनी कोणते आरोप केले आहेत? पाहूयात...

धनंजय मुंडेंवर कृषी घोटाळा आणि ऑफिस ऑफ प्रॉफिटचा आरोप

जयकुमार गोरेंवर महिलेच्या छळाचा आरोप

हॉटेल विट्झ खरेदी, त्यानंतर भुखंड खरेदी, नाशिकमधील हॉटेलचं बांधकाम आणि पैशांची बॅग यामुळे अडचणीत आलेल्या संजय शिरसाट यांच्या खात्यात नवा घोटाळा झाल्याचा आरोप दमानियांनी केलाय... त्यामुळे आता दमानियांच्या आरोपातील तथ्य बाहेर आणण्यासाठी सरकार सामाजिक न्याय विभागाचा वादग्रस्त जीआर रद्द करुन चौकशी करणार का? आणि या प्रकरणात दूध का दूध आणि पानी का पानी करणार का? याकडे राज्याचं लक्ष लागलंय..