Rain Alert In Maharashtra Saam TV
महाराष्ट्र

Maharashtra Rain Updates: राज्यात पुन्हा वादळी वाऱ्यासह जोरदार गारपीटीची शक्यता; या जिल्ह्यांना ऑरेंज अलर्ट

Maharashtra Rain Alert: राज्यात पुन्हा एकदा पावसासाठी पोषक वातावरणाची निर्मिती होत असून, वादळी पाऊस हजेरी लावणार आहे.

साम टिव्ही ब्युरो

Rain Alert In Maharashtra: गेल्या महिनाभरापासून राज्यातील तापमानात मोठी चढउतार पाहायला मिळत आहे. नागरिकांना कधी पावसाच्या सरी तर कधी कडाक्याच्या उन्हाच्या झळा बसत आहे. एप्रिल महिना संपत आला तरी, अजूनही राज्यातील बऱ्याच जिल्ह्यांमध्ये अवकाळी पाऊस पडत आहे. एकीकडे अवकाळीचं संकट पाठ कधी सोडणार? याची वाट बळीराजा पाहत असताना दुसरीकडे चिंता वाढवणारी बातमी समोर आली आहे. (Latest Marathi News)

राज्यात पुन्हा वादळी वाऱ्यासह गारपीटीची शक्यता

राज्यात पुन्हा एकदा पावसासाठी (Rain Alert) पोषक वातावरणाची निर्मिती होत असून, वादळी पाऊस हजेरी लावणार आहे. पश्‍चिम विदर्भापासून, मराठवाडा, उत्तर अंतर्गत कर्नाटक ते उत्तर तमिळनाडूपर्यंत हवेचा कमी दाबाचा पट्टा निर्माण झाला आहे. त्यामुळे पावसाची स्थिती कायम असल्याचा अंदाज हवामानशास्त्र विभागाने दिला आहे.

हवामान खात्याने शुक्रवारी (२८ एप्रिल) मराठवाडा, विदर्भात पावसाचा ‘ऑरेंज अलर्ट’ दिला आहे. त्यामुळे आधीच अवकाळीची धास्ती धरून बसलेल्या शेतकऱ्यांचं आणखीच टेन्शन वाढणार आहे. दरम्यान, राज्यातील बहुतांश भागात कमाल व किमान तापमानात सरासरीच्या तुलनेत लक्षणीय घट झाली आहे. विदर्भात तर सरासरीपेक्षा कमाल तापमानात चार ते नऊ अंशांनी घट झाली आहे. (Breaking Marathi News)

गुरुवारी (ता. २७) राज्यात सोलापूर येथे ३९ अंश सेल्सिअस उच्चांकी तापमान, तर यवतमाळ येथे १६.५ अंश सेल्सिअस इतक्या नीचांकी तापमानाची नोंद झाली. सध्या मध्य महाराष्ट्र, मराठवाड्यासह विदर्भात काही ठिकाणी वादळी पाऊस व गारांची स्थिती कायम आहे.

सोमवारपर्यंत (१ मेपर्यंत) मध्य महाराष्ट्र, मराठवाडा आणि विदर्भात वादळी पावसाचा (Weather Updates) अंदाज कायम आहे. शहर आणि परिसरात पुढील तीन ते चार दिवस अंशतः ढगाळ आणि दुपारनंतर मेघगर्जनेसह पावसाची शक्यता वर्तविली आहे. तसेच सोमवारपर्यंत जिल्ह्याला मेघगर्जना व विजांच्या कडकडाटाची शक्यता असल्याने ‘येलो अलर्ट’ दिला आहे.

राज्यातील 'या' जिल्ह्यांना ऑरेंज अलर्ट

हवामान खात्याने जारी केलेल्या अंदाजानुसार, राज्यातील बीड, नांदेड, यवतमाळ, नागपूर, छत्रपती संभाजीनगर, जालना, हिंगोली, परभणी, अमरावती, भंडारा, गोंदिया. अवकाळी पाऊसासह जोरदार गाटपीट होण्याची शक्यता आहे.

पुण्यासह १७ जिल्ह्यांमध्ये पावसाची शक्यता

दुसरीकडे पुण्यासह सातारा, सांगली, नाशिक, नगर, सोलापूर, धुळे, जळगाव, नंदूरबार, चंद्रपूर, वाशीम, लातूर, बुलडाणा, गडचिरोली, धाराशिव, अकोला, वर्धा या १७ जिल्ह्यांमध्येही पावसाच्या सरी कोसळतील असा अंदाज हवामान खात्याने वर्तवला आहे.

Edited by - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Aare Ware Beach : पावसाळ्यात 'आरे-वारे' बीचचं सौंदर्य फॉरेनपेक्षा कमी नाही

Maharashtra Live News Update: उपमुख्यमंत्री अजित पवार अहिल्यानगरमध्ये दाखल

Pune Rave Party: आधी हॉटेलची रेकी, नंतर आखला एकनाथ खडसेंच्या जावयाला अडविण्याचा डाव; खेवलकरांच्या वकिलांचा धक्कादायक खुलासा

Beed Shocking : बीडमध्ये आणखी एक वैष्णवी जीवाला मुकली, सासरच्या छळाला कंटाळून २० वर्षीय विवाहितेने आयुष्य संपवलं

Rave Vs Party : पार्टी आणि रेव्हमध्ये काय फरक आहे?

SCROLL FOR NEXT