Maharashtra Politics saam tv
महाराष्ट्र

Maharashtra Politics : ठाकरे गटाला मोठा झटका, मोठ्या नेत्यांचा शिवसेना शिंदे गटात प्रवेश

Maharashtra Political News : उल्हासनगरमध्ये ठाकरे गटातील दोन माजी नगरसेवकांनी एकनाथ शिंदे यांच्या उपस्थितीत शिंदे गटात प्रवेश केला आहे. यामुळे ठाकरे गटाचे मोठे नुकसान झाले आहे.

Yash Shirke

  • उल्हासनगरमध्ये शिवसेना ठाकरे गटाला झटका

  • दोन नगरसेवकांसह पदाधिकाऱ्यांचा शिंदे गटात प्रवेश

  • एकनाथ शिंदे यांच्या उपस्थितीत पक्षप्रवेश संपन्न

विकास काटे, साम टीव्ही, प्रतिनिधी

Maharashtra : स्थानिक स्वराज्य संस्थांच्या निवडणुका लवकरच जाहीर होतील असे म्हटले जात आहे. या पार्श्वभूमीवर सर्वच पक्षांनी निवडणुकांसाठी तयारी सुरु केली आहे. मोर्चेबांधणी सुरु असताना शिवसेना ठाकरे गटाला धक्का बसल्याची माहिती समोर आली आहे. उल्हासनगरचे ठाकरे गटातील नेत्यांनी शिंदे गटात प्रवेश केला आहे.

मिळालेल्या माहितीनुसार, महानगरपालिका निवडणुका होण्यापूर्वी उद्धव बाळासाहेब ठाकरे गटातील दोन माजी नगरसेवक यांनी शिवसेना शिंदे गटामध्ये प्रवेश केला आहे. उल्हासनगर महापालिकेचे माजी नगरसेवक शेखर यादव आणि माजी नगरसेविका संगीत सपकाळे यांचा आज (२९ ऑगस्ट) ठाणे येथील कार्यक्रमात पक्षप्रवेश झाला.

शिवसेना शिंदे गटाचे प्रमुख एकनाथ शिंदे यांच्या उपस्थितीमध्ये दोन्ही नगरसेवकांसह अनेक पदाधिकारी, कार्यकर्त्यांनी शिंदे गटात प्रवेश केला. यामुळे उल्हासनगरमध्ये ठाकरे गटाला मोठा धक्का बसला आहे, तर दुसऱ्या बाजूला शिंदे गटाची ताकद वाढल्याचे पाहायला मिळत आहे. निवडणुकांपूर्वी राज्यामध्ये ठाकरे गटाला गळती लागल्याचे म्हटले जात आहे.

पक्षप्रवेशाच्या वेळी एकनाथ शिंदे यांनी पत्रकारांशी संवाद साधला. 'शिवसेना शब्द पाळते, विकास हा अजेंडा आहे, त्यामुळे नगरसेवकांनी पक्षात प्रवेश केला. नगरसेवक, पदाधिकारी बाळासाहेब ठाकरे आणि आनंद दिघे यांचे विचार घेऊन येत आहे. त्यांनी श्रीकांत शिंदे यांनी केलेले काम पाहिले आहे, त्यांचे विकास प्रकल्प पाहिले आहेत', असे उपमुख्यमंत्री एकनाथ शिंदे म्हणाले.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Ladki Bahin Yojana: लाडकी बहिण योजने’वरून जरांगे पाटलांचा फडणवीसांवर हल्लाबोल; नेमकं काय म्हणाले? VIDEO

Maharashtra Live News Update: मराठा आरक्षण मिळवण्यासाठी पूर्ण पाठिंबा - छत्रपती संभाजीराजे

Condom: 'या' देशात आहे कंडोम विक्रीवर बंदी

Saturday Horoscope : ६ राशींच्या जीवनात येणार आनंदी-आनंद; शनिवारचा संपूर्ण दिवस जाणार कसा?

Cricketer Became Robber : दोन वर्ल्डकप खेळणारा क्रिकेटपटू बनला दरोडेखोर, कोर्टाने सुनावली मोठी शिक्षा

SCROLL FOR NEXT