Sanjay Raut Video : एकनाथ शिंदे यांच्या बॅनरवर बाळासाहेब ठाकरे यांच्या फोटोच्या शेजारी आनंद दिघे यांचा फोटो छापण्यात आला. यावरुन आनंद दिघे हे नेते, उपनेते नव्हते. ते फक्त ठाण्याचे जिल्हाप्रमुख होते. बाळासाहेब ठाकरेंच्या बरोबरीने त्यांचा फोटो का लावता? असा सवाल संजय राऊत यांनी केला होता. या प्रकरणावरुन राजकारण तापले आहे.

आनंद दिघे यांच्याबाबत संजय राऊत यांनी केलेल्या वक्तव्यावरुन शिवसेना शिंदे गट आक्रमक झाला आहे. या फोटो प्रकरणामुळे ठाकरेसेना आणि शिंदेसेना आमनेसामने आली आहे. शिंदे गटाकडून संजय राऊत यांच्यावर निशाणा साधण्यात आला. यावर प्रतिक्रिया देताना मला विरोध करणारे टेंभी नाक्यावरचे टपोरी आहेत. त्यांनी राजन विचारेंचे पाय धुतले पाहिजे असे म्हणत राऊतांनी शिंदेंवर पलटवार केला आहे.