Nitesh Rane criticizes Uddhav Thackeray: सामनाच्या आवाज कुणाचा पॉडकास्टमध्ये संजय राऊत यांनी उद्धव ठाकरे यांची मुलाखत घेतली आहे. या मुलाखतीचा टीझर नुकताच शेअर करण्यात आला आहे. वर्षातील सर्वात मोठी आणि प्रखर मुलाखत असल्याचे या पोस्टमध्ये म्हटले आहे. यावर भाजपचे आमदार नितेश राणे यांनी प्रतिक्रिया दिली आहे. उद्धव ठाकरेंना मच्छरही घाबरत नाही अशी टीका राणेंनी या मुलाखतीवर केली आहे.

नितेश राणे म्हणाले, उद्यापासून हास्यजत्रेचा महाएपिसोड येणार आहे. महाराष्ट्राचा कुंटुंबप्रमुख असं ते बोलले, यावर माझा आक्षेप आहे. आम्ही शिवरायांना कुंटुब प्रमुख मानतो. त्यामुळे त्यांनी महाराष्ट्राची माफी मागावी अशी मागणी देखील राणेंनी केली आहे. ते म्हणाले, मुख्यमंत्री होते तेव्हा गळ्याला पटटा लावून स्वतःचे खिसे भरले. दुसऱ्यांना खेकडे बोलता, पण पाय खेचण्याचे काम उद्धव ठाकरेंनी केले आहे. त्यात त्यांनी पीएचडी केली आहे. (Tajya Marathi Batmya)

"हिंमत असेल तर नितेश राणेंना इंटरव्ह्यू द्या"

राणे म्हणाले, उद्धव ठाकरेंना मच्छरही घाबरत नाही. हिंमत असेल तर नितेश राणेंना इंटरव्ह्यू घेऊ द्या, मातोश्रीत जाऊन इंटरव्ह्यू घेतो. बाबरी जेव्हा पाडली तेव्हा उद्धव ठाकरे हे मातोश्रीच्या एका खोलीत कॅमेरा साफ करत होते. माझ्याकडे पुरावे आहेत. उद्धव ठाकरे हे बाळासाहेब यांच्या विचारांना कलंक आहेत, अशी टीका नितेश राणे यांनी केली आहे. (Latest Political News)

"सगळ्यात मोठा चोर हा मातोश्रीत"

नितेश राणे म्हणाले, उबाठाची एवढी अधोगती झाली आहे की अण्णा हजारे यांनी मशाल हातात घ्यावी असे म्हणण्याचे दिवस आले आहेत. बाळासाहेब अण्णा हजारे यांच्यावर वाकड्या तोंडाचा गांधी अशी टीका करायचे आणि आता मशाल घ्या अशी मागणी सामनातून करायला लागते. हेच उद्धव ठाकरेंनी आयुष्यात काय कमावलं याचं उदाहरण आहे. अण्णा हजारे यांना मशाल पेटवायची असेल, उपोषण करायचे असेल तर त्यांनी मातोश्रीच्या समोर जाऊन करावं. कारण सगळ्यात मोठा चोर हा मातोश्रीत आहे, असे देखील ते म्हणाले. (Latest Marathi News)