'सध्या गावातल्या उपसरपंचाचा ऐवढा मोठा बंगला असेल तर आमदाराचा केवढा पाहिजे.', अशी मिश्किल टिप्पणी दिलीप वळसे-पाटील यांनी केली. आंबेगाव तालुक्यातील शिंगेवाडी गावच्या प्रचार सभेत त्यांनी हे वक्तव्य केले. आंबेगाव विधानसभा मतदारसंघातील राष्ट्रवादी काँग्रेसचे उमेदवार दिलीप वळसे- पाटील हे शिंदेवाडी येथे प्रचार सभेत बोलत असताना मतदारसंघाचे रुप बदलत यावरुन त्यांनी टिप्पणी केली.

प्रचारसभेदरम्यान दिलीप वळसे-पाटील यांना पुढे एक मोठा बंगला दिसला. एवढ्या छोट्या वाडीत एवढा मोठा बंगला असं वळसे पाटलांनी म्हणताच ग्रामस्थांनी हा बंगला उपसरपंचांचा असल्याचे सांगितले. हे ऐकताच उपसरपंचाचा एवढा मोठा बंगला असेल तर आमदाराचा बंगला केवढा पाहिजे अशी मिश्किल टिप्पणी वळसे पाटलांनी केली. यावळे प्रचारसभेला उपस्थित असलेल्या सर्वांमध्ये एकच हाशा पिकला.